शिक्षण हक्क कायद्यानुसार (आरटीई) खासगी शाळांमधील २५ टक्के राखीव जागांवरील प्रवेश प्रक्रिया लागू असणाऱ्या सर्व शाळांच्या नोंदणीची प्रक्रिया सुरू करण्यात येत आहे.

या शाळांनी २३ जानेवारी ते ३ फेब्रुवारी या कालावधीत ही नोंदणी करणे बंधनकारक असल्याचा आदेश प्राथमिक शिक्षण संचालक शरद गोसावी यांनी परिपत्रकाद्वारे दिला आहे.

आरटीईनुसार खासगी विनाअनुदानित शाळांमध्ये वंचित व दुर्बल घटकातील विद्यार्थ्यांच्या प्रवेशासाठी २५ टक्के जागा राखीव ठेवण्यात येतात. दरवर्षीप्रमाणे २०२३-२४ या शैक्षणिक वर्षासाठी खासगी शाळांमध्ये २५ टक्के राखीव जागांवर विद्यार्थ्यांना प्रवेश देण्यासाठी केंद्रीय ऑनलाइन प्रवेश प्रक्रिया राबविण्यात येते. या प्रक्रियेच्या पहिल्या टप्प्यात शाळांची नोंदणी करण्यात येत असून ही प्रक्रिया येत्या सोमवारपासून (ता.२३) सुरू होणार आहे. शाळा नोंदणीसाठी मुदतवाढ दिली जाणार नसल्याचेही गोसावी यांनी स्पष्ट केले आहे.

ऑनलाइन प्रक्रियेत शाळेने केलेल्या नोंदणीची पडताळणी संबंधित शिक्षणाधिकाऱ्यांनी करावी. या प्रक्रियेत प्रवेश अर्ज भरताना चुकीची माहिती भरून प्रवेश घेतल्याचे आढळल्यास तो प्रवेश रद्द करण्यात येईल. तसेच पालकांनी एकच परिपूर्ण अर्ज भरावा, अनेक अर्ज भरू नयेत. अनेक अर्ज भरल्याचे निदर्शनास आल्यास अर्ज सोडतीसाठी (लॉटरी) विचारात घेतला जाणार नाही. अशा पालकांचे अर्ज रद्द करण्यात येतील, अशी माहिती शिक्षण विभागातर्फे देण्यात आली आहे.

शैक्षणिक वर्ष २०२३-२४ साठी आरटीई अंतर्गत २५ टक्के राखीव जागांवरील प्रवेशासाठी एकाच टप्प्यात सोडत काढण्यात येईल. तसेच शाळेत आरटीईअंतर्गत उपलब्ध जागांएवढी एक प्रतीक्षा यादी तयार केली जाईल. सोडतीत नाव जाहीर झालेल्या विद्यार्थ्यांच्या प्रवेशासाठी पुरेसा कालावधी देण्यात येणार असल्याचेही गोसावी यांनी परिपत्रकात नमूद केले आहे.

२५ टक्के जागा उपलब्ध करून न देणाऱ्या शाळांवर कारवाईचा आदेश

‘आरटीईनुसार २५ टक्के राखीव जागांसाठी पात्र असूनही नोंदणी न केलेल्या किंवा प्रवेश स्तरावरील एकूण क्षमतेच्या २५ टक्के जागा उपलब्ध करून न देणाऱ्या शाळांवर शिक्षणाधिकाऱ्यांनी तत्काळ नियमाप्रमाणे कारवाई करावी,’ असा आदेश प्राथमिक शिक्षण संचालक शरद गोसावी यांनी दिला आहे.

--------------------------------------------------------------------------------------

Admission Guidance 2022: WhatsApp https://wa.me/917720025900

Get real-time alerts and all the news on your phone with the all-new VidyarthiMitra app. Download from Google Play

Aptitude Test | Career Counselling | Option From Filling | Admission Assistance | 

Call 77200 25900 or 77200 81400                   

11th Admissions (FYJC) & DTE Cut-off | Cutoffs 2022 |

We bring you the fastest and relevant notifications on Bank, Railways, and Govt Jobs. Stay Connected 
Join us on WhatsApp https://wa.me/917720025900

| Cutoffs & Opening Closing Ranks => CSAB 2022 | JoSSA 2022 | MHT-CET 2022 | MBA 2022 | Pharmacy 2022 | Polytechnic 2022

--------------------------------------------------------------------------------------------------------------------------------------------------------
 Get free Educational & jobs alert on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send WHATSAPP message (Your Name, City & Interest)

--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर किंवा* *टेलेग्राम (https://t.me/VidyarthiMitra) हा मोबाईल नं. सेव्ह करून आपले <नाव> <शहराचे नाव> <नोकरी> ७७२०० २५९०० मेसेज पाठवा.