'शिक्षणहक्क कायद्याअंतर्गत (RTE) खासगी शाळांमध्ये प्रवेशासाठी राबविण्यात येणाऱ्या प्रवेश प्रक्रियेतून राज्यात आतापर्यंत ३८ हजार ७७२ मुलांचे प्रवेश निश्चित झाले आहेत.

मात्र, पुणे जिल्ह्यात केवळ सहा हजार ३५२ प्रवेश निश्चित झाले आहेत. आरटीई लॉटरीतून प्रवेश जाहीर झालेल्या मुलांच्या तुलनेत प्रत्यक्ष शाळांमध्ये प्रवेशित मुलांची संख्या निम्मी असल्याने प्रवेश निश्चित करण्यासाठी २९ एप्रिलपर्यंत मुदतवाढ (RTE Admission Extension) मिळाली आहे,' अशी माहिती प्राथमिक शिक्षण संचालनालयाच संचालक दिनकर टेमकर यांनी दिली आहे.

आरटीई प्रवेश प्रक्रियेतून आर्थिक दुर्बल घटकांमधील मुलांना खासगी शाळांमध्ये राखीव असणाऱ्या २५ टक्के जागांवर मोफत प्रवेश दिले जातात. त्यानुसार प्रवेश जाहीर झालेल्या मुलांना प्रवेश घेण्यासाठी बुधवारी २० एप्रिलपर्यंत मुदत दिली होती. या प्रवेश प्रक्रियेतून मंगळवारपर्यत ३८ हजार ७७२ मुलांचे प्रवेश झाले असून, ४० हजारांपेक्षा अधिक विद्यार्थ्यांचे प्रवेश प्रलंबित आहे. पुणे जिल्हा परिसरात सुरू असलेल्या महसूल विभागातील कर्मचारी संपाचा फटका आरटीई प्रवेशांना बसत आहे. महसूल विभागातील कर्मचारी संपावर असल्याने आरटीई प्रवेशांसाठी पालकांना जातीचे व उत्पन्नाचे दाखले मिळण्यासाठी अडचणी येत आहेत. कागदपत्रे नसल्याने अनेक विद्यार्थ्यांचे प्रवेश रखडले आहेत. त्यामुळे विद्यार्थ्यांचे शैक्षणिक नुकसान टाळण्यासाठी आरटीई प्रवेशांसाठी मुदतवाढ मिळावी, अशी मागणी पालकांनी आणि संघटनांनी केली होती. या पार्श्वभूमीवर टेमकर यांनी प्रवेश घेण्याला २९ एप्रिलपर्यत मुदतवाढ दिली आहे. त्यामुळे प्रवेश जाहीर झालेल्या मुलांच्या पालकांना दिलासा मिळणार आहे. पालकांनी अधिक माहितीसाठी 'आरटीई'च्या वेबसाइटवर संपर्क साधण्याचे आवाहन टेमकर यांनी केली आहे.

अकरा महिन्यांचा भाडेकरार पुरावा म्हणून ग्राह्य

'लॉटरीद्वारे प्रवेश जाहीर झालेल्या विद्यार्थ्यांना प्रवेश प्रक्रियेसाठी लागणाऱ्या कागदपत्रांमध्ये रहिवासी पुरावा म्हणून १२ महिन्यांपेक्षा अधिक कालावधीच्या नोंदणीकृत भाडेकराराऐवजी ११ महिन्यांचा भाडेकरार ग्राह्य धरण्याबाबत संचालनालयाला निवेदने प्राप्त झाली आहेत. त्याचप्रमाणे याबाबत दूरध्वनीद्वारे ही तक्रारी प्राप्त झाल्या आहेत. त्यानुसार ११ महिने किंवा त्यापेक्षा अधिक कालावधीचा दुय्यम निबंधक कार्यालयाचा नोंदणीकृत भाडेकरार नोंदणीकृत भाडेकरार ग्राह्य धरण्याबाबत मान्यता देण्यात आली आहे. हा भाडेकरार ऑनलाइन अर्ज भरण्याच्या दिनांकाच्या पूर्वीचा पाहिजे,' असे दिनकर टेमकर यांनी स्पष्ट केले आहे.

पुण्यात केवळ सहा हजार मुलांचे प्रवेश

राज्याच्या प्रत्येक जिल्ह्यात प्रवेशांसाठी उद्भवणाऱ्या समस्यांमुळे यंदा प्रवेश प्रक्रिया संथ गतीने पुढे सरकत आहे. मुलांच्या प्रवेशासाठी राज्यात सध्या नऊ हजार ८६ शाळांमध्ये एक लाख एक हजार ९०६ जागा उपलब्ध आहेत. त्यासाठी दोन लाख ८२ हजार ७८३ अर्ज आले आहेत. त्यापैकी ९० हजार ६८५ विद्यार्थ्यांची प्रवेशासाठी निवड करण्यात आली. यातील ३८ हजार ७७२ मुलांनी प्रवेश घेतला आहे. पुणे जिल्ह्यात १४ हजार ९५८ मुलांना प्रवेश जाहीर झाले असताना पुण्यातील केवळ सहा हजार ३५२ मुलांचे प्रवेश पूर्ण झाले आहेत. त्यामुळे अद्यापही ४० हजारांपेक्षा अधिक विद्यार्थ्यांचे प्रवेश प्रलंबित असल्याचे चित्र आहे.

-----------------------------------------------------------------------------------------------------

Admission Guidance 2021: WhatsApp https://wa.me/917720025900

Get real-time alerts and all the news on your phone with the all-new VidyarthiMitra app. Download from Google Play

Aptitude Test | Career Counselling | Option From Filling | Admission Assistance | 

Call 77200 25900 or 77200 81400                   

11th Admissions (FYJC) & DTE Cut-off | Cutoffs 2021 |

We bring you the fastest and relevant notifications on Bank, Railways, and Govt Jobs. Stay Connected 
Join us on WhatsApp https://wa.me/917720025900

| Cutoffs & Opening Closing Ranks => CSAB 2021 | JoSSA 2021 | MHT-CET 2021 | MBA 2021 | Pharmacy 2021 | Polytechnic 2021

--------------------------------------------------------------------------------------------------------------------------------------------------------
 Get free Educational & jobs alert on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send WHATSAPP message (Your Name, City & Interest)

--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर किंवा* *टेलेग्राम (https://t.me/VidyarthiMitra) हा मोबाईल नं. सेव्ह करून आपले <नाव> <शहराचे नाव> <नोकरी> ७७२०० २५९०० मेसेज पाठवा.