शिक्षण हक्क अधिकार कायद्यानुसार राज्यातील खासगी शाळांमधील २५ टक्के आरटीईच्या राखीव जागांवरील प्रतीक्षा यादीत असलेल्या मुलांच्या प्रवेशाला २८ जूनपर्यंत मुदतवाढ देण्यात आली आहे.

यासाठीची माहिती शिक्षण उपसंचालक दिनकर पाटील यांनी दिली. राज्यातील शाळांमध्ये आरटीईच्या उपलब्ध जागांपैकी तब्बल २४ हजार ९४२ जागा रिक्त राहिल्या आहेत. मुंबईत ही संख्या ३ हजार २०५ आहे. या जागांवर प्रवेश व्हावेत, यासाठी ही मुदतवाढ देण्यात आली, असे पाटील यांनी सांगितले.

मुंबईसह राज्यातील सर्वच जिल्ह्यांमध्ये आरटीई प्रवेशाच्या जागा मोठ्या प्रमाणात रिक्त आहेत. त्यासाठी प्रवेशाच्या प्रतीक्षा यादीतील दुसऱ्या टप्प्यात प्रवेश देण्याची मुदत ही २१ जूनपर्यंत देण्यात आली होती. मात्र त्यानंतरही असंख्य शाळांनी पालकांना प्रवेश देण्यासाठी नकार दिल्याने मोठ्या प्रमाणात जागा रिक्त राहिल्या. त्या जागांवर प्रवेश व्हावेत, यासाठी शिक्षण संचालनालयाने ही मुदतवाढ दिली आहे. मुंबईत आरटीई प्रवेशासाठी असलेल्या ३४१ शाळांमध्ये ६ हजार ४५१ जागा उपलब्ध आहेत, त्या जागांवर आत्तापर्यंत ३ हजार २४६ जागांवरच प्रवेश झाले आहेत.

उर्वरित अर्ध्या म्हणजे ३ हजार २०५ जागा रिक्त राहिल्या आहेत. तर राज्यात अशीच परिस्थिती असून राज्यातील ९ हजार ८६ शाळांमध्ये १ लाख ९०६ आरटीई प्रवेशाच्या जागा उपलब्ध होत्या. त्यापैकी आतापर्यंत ७६ हजार ९६४ जागांवर प्रवेश झाले. उर्वरित २४ हजार ९४२ जागा अद्याप रिक्त राहिल्या आहेत. यामध्ये काही शाळांनी प्रवेश नाकारले. तर काही ठिकाणी पालकांकडून प्रवेशासाठी अपुरी कागदपत्रे देण्यात आली. शाळांसाठी देण्यात आलेले अंतर, एकाच शाळेमध्ये अनेक अर्जांतून मागणी आदी कारणेही यामागे असल्याचे समोर आले आहे.

या योजनेतील प्रस्ताव निकाली काढण्यासाठी प्रत्येक जिल्ह्यात जिल्हाधिकाऱ्यांच्या अध्यक्षतेखाली समिती स्थापन करण्यात येणार आहे. या समितीसमोर पहिली ते आठवी व नववी ते बारावीमध्ये शिकणाऱ्या मुला-मुलींसाठी प्रस्ताव सादर करण्याची जबाबदारी अनुक्रमे शिक्षणाधिकारी (प्राथमिक) व शिक्षणाधिकारी (माध्यमिक) यांच्यावर असणार आहे. बृहन्मुंबई शहरासाठी संबंधित शिक्षण निरीक्षक यांनी प्रस्तावांची छाननी करून समितीसमोर सादर करावेत, असे यासंबंधीच्या सरकार निर्णयात स्पष्ट करण्यात आले आहे.

----------------------------------------------------------------------------------------------------

Admission Guidance 2021: WhatsApp https://wa.me/917720025900

Get real-time alerts and all the news on your phone with the all-new VidyarthiMitra app. Download from Google Play

Aptitude Test | Career Counselling | Option From Filling | Admission Assistance | 

Call 77200 25900 or 77200 81400                   

11th Admissions (FYJC) & DTE Cut-off | Cutoffs 2021 |

We bring you the fastest and relevant notifications on Bank, Railways, and Govt Jobs. Stay Connected 
Join us on WhatsApp https://wa.me/917720025900

| Cutoffs & Opening Closing Ranks => CSAB 2021 | JoSSA 2021 | MHT-CET 2021 | MBA 2021 | Pharmacy 2021 | Polytechnic 2021

--------------------------------------------------------------------------------------------------------------------------------------------------------
 Get free Educational & jobs alert on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send WHATSAPP message (Your Name, City & Interest)

--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर किंवा* *टेलेग्राम (https://t.me/VidyarthiMitra) हा मोबाईल नं. सेव्ह करून आपले <नाव> <शहराचे नाव> <नोकरी> ७७२०० २५९०० मेसेज पाठवा.