Higher Education

Higher Education

जागतिक दर्जांच्या विद्यापीठांचे अभ्यासक्रम ऑनलाइन शिकण्याची संधी

PUBLISH DATE 23rd April 2020

जागतिक दर्जाचे शिक्षण घेण्यासाठी परदेशातील एखाद्या विद्यापीठामध्ये प्रत्यक्ष जाऊन शिकणं काही जणांसाठी आर्थिक दृष्ट्या अवघड असतं. त्याऐवजी एकाच वेळी अनेक जागतिक दर्जांच्या विद्यापीठांचे अभ्यासक्रम घरी बसून ऑनलाइन शिकण्याची संधी आपल्याला 'कोरसेरा' या वेबसाइटच्या द्वारे प्राप्त होत आहे.

कोररेसाच्या माध्यमातून अग्रगण्य कंपन्या त्यांना अपेक्षित तंत्रज्ञानाशी संबंधित अद्ययावत अभ्यासक्रम ऑनलाइन उपलब्ध करून देत आहेत. त्यामुळे आपलं ज्ञान वृध्दिंगत करण्याची ही चांगली संधी आहे. हे शिक्षण विद्यार्थी, गृहिणी आणि कोणत्याही वयोगटातील व्यक्ती घेऊ शकतात.

कोरसेरा फॉर कॅम्पस

ऑल इंडिया काऊन्सिल फॉर टेक्निकल एज्युकेशननं पत्रक काढून कोरसेरा फॉर कॅम्पस या उपक्रमाचा फायदा भारतातील करोनाग्रस्त भागातील महाविद्यालये आणि विद्यापीठांनी करुन घ्यावा असं आवाहन केलं आहे. २० जुलै, २०२० पर्यंत हा उपक्रम मोफत उपलब्ध असेल. या उपक्रमांतर्गत शैक्षणिक संस्थेनं वा प्राध्यापकांनी साइन अप करणं अपेक्षित आहे. संस्था किंवा प्राध्यापक विद्यार्थ्यांची अभ्यासक्रमासाठी नोंदणी २० जुलैपर्यंत करु शकतात. नोंदणी केलेल्या संस्थेला पाच हजार विद्यार्थी क्षमतेपर्यंतची लायसन्सेस मिळतील. विद्यार्थी ३० सप्टेंबरपर्यंत अभ्यासक्रम ऑनलाइन पूर्ण करु शकतात. या उपक्रमांतर्गत ४०० हून अधिक स्पेशलायझेशन्स आणि ३८०० हून अधिक अभ्यासक्रम उपलब्ध आहेत. हे अभ्यासक्रम तयार करण्यामध्ये येल, मिशिगन विद्यापीठ, ड्यूक विद्यापीठ यासारख्या अनेक विख्यात विद्यापीठांचा सहभाग आहे. तसंच गुगल, इंटेल, आयबीएम यासारख्या आघाडीच्या कंपन्यांचा देखील समावेश आहे.

विद्यार्थ्यांना आंतरविद्याशाखीय अभ्यासक्रम पूर्ण करण्याची संधी कोरसेरामुळे मिळणार आहे. वाणिज्य आणि कला शाखेतील विद्यार्थ्यांला डेटा सायन्स वा टेक्नोलॉजीमधील एखादा अभ्यासक्रम पूर्ण करण्याची संधी मिळणार आहे. खऱ्या अर्थानं शिक्षण हे चॉइस बेस्ड होण्यासाठी कोरसेरा हे उपयुक्त होईल.

अभ्यासक्रम मॅचिंग हा देखील एक अनोखा प्रकार या ठिकाणी पहायला मिळतो. आपल्या विद्यापीठाचा अभ्यासक्रम हा कोरसेरामध्ये उपलब्ध असलेल्या अभ्यासक्रमांशी मॅच करु पाहता येतो. तसंच त्यामध्ये किती टक्के साधर्म्य आहे हे देखील पाहता येतं. अर्थातचा मॅच झालेला अभ्यासक्रम विद्यार्थी कोरसेरामधूनही पूर्ण करु शकतील.

उपलब्ध अभ्यासक्रम

बिझनेस (१००० हून अधिक अभ्यासक्रम), टेक्नोलॉजी (७०० अभ्यासक्रम), डेटा सायन्स (३८० अभ्यासक्रम), हेल्थ (१०० अभ्यासक्रम), सोशल सायन्स (७८० अभ्यासक्रम), आर्ट्स आणि ह्युमॅनिटीज (३४० अभ्यासक्रम) या अभ्यासक्रमांसाठी एक लाख ४० हजाराहून अधिक व्हिडीओ लेक्चर्स उपलब्ध आहेत.

'कोरसेरा फॉर कॅम्पस' या उपक्रमामध्ये फक्त शैक्षणिक संस्थाच नोंदणी करु शकतात. शैक्षणिक संस्थेच्या माध्यमातूनच त्या संस्थेतील विद्यार्थी अभ्यासक्रमाला प्रवेश घेऊ शकतात.

वेबसाइट- https://www.coursera.org/coronavirus

एखाद्या विद्यार्थ्याला वैयक्तिकरित्या कोरसेरामधील अभ्यासक्रमांना प्रवेश घ्यायचा असेल तर तो फी भरुन अभ्यासक्रमाला प्रवेश घेऊ शकतो, पण त्यासाठी https://www.coursera.org/ या वेबसाइटवर जाऊन त्यानं साईन अप करणं आवश्यक आहे. फी भरण्यामध्ये अडचणी असल्यास आर्थिक साहाय्याच्या योजनादेखील उपलब्ध आहेत. हे अभ्यासक्रम केल्यानं अद्ययावत ज्ञान तर मिळतेच बरोबरीनेच जागतिकस्तरावरील विख्यात विद्यापीठांची पदवी वा प्रमाणपत्र देखील मिळेल. तसंच कंपन्याकडून देखील प्रोफेशनल प्रमाणपत्र प्राप्त होईल. अर्थातच याचा उपयोग चांगली नोकरी मिळवण्यासाठी नक्कीच होईल. ज्यांना आपलं करिअर एखाद्या नवीन क्षेत्रात घडवायचं असेल त्यांना देखील कोरसेराचे अभ्यासक्रम हे वरदान आहेत.

Get real-time alerts and all the news on your phone with the all-new VidyarthiMitra app. Download from Google Play

Aptitude Test | Career Counselling | Option From Filling | Admission Assistance | 

Call 77200 25900 or 77200 81400

11th Admissions (FYJC) & DTE Cut-off | Cutoffs 2020 |

For all latest Govt Jobs 2019Railway JobsBank Jobs and SSC Jobs log on to https://goo.gl/YPjt94 We bring you fastest and relevant notifications on Bank, Railways and Govt Jobs. Stay Connected

| Cutoffs & Opening Closing Ranks => CSAB 2020 | JoSSA 2020 | MHT-CET 2020 | MBA 2020 | Pharmacy 2020 | Polytechnic 2020