Medical Admissions 2022-23

Medical Admissions 2022-23

नीट परीक्षा २०२२: परीक्षेसाठी मिळणार २० मिनिटांचा अतिरिक्त वेळ

PUBLISH DATE 27th April 2022

 

दरवर्षी देशात अनेक प्रवेश परीक्षा (Entrance Exam) घेतल्या जातात.

एनटीएद्वारे घेतल्या जाणाऱ्या प्रवेश परीक्षेद्वारे, विद्यार्थ्यांना वैद्यकीय (Medical), इंजिनीअरिंग (Engineering) अभ्यासक्रमांमध्ये सहभागी होण्याची संधी मिळते. वैद्यकीय अभ्यासक्रमांसाठी दरवर्षी लाखो उमेदवार नीट परीक्षेला (NEET Exam 2022) बसतात. ही परीक्षा खूप कठीण असते. वैद्यकीय अभ्यासक्रमांसाठी (Medical Course) या परीक्षेसाठी अनेक उमेदवारांना अनेक प्रयत्न करावे लागतात. एनटीएकडून (National Testing Agency, NTA) नीट यूजी परीक्षा (NEET UG Exam) आणि नीट पीजी (NEET PG Exam) अशा दोन्ही परीक्षा घेतल्या जातात. दरम्यान नीट यूजी २०२२ (NEET UG Exam 2022) परीक्षेच्या नियमात मोठा बदल करण्यात आला आहे. नीट परीक्षेला बसणाऱ्या उमेदवारांच्या मागणीनुसार परीक्षेची वेळ वाढवण्यात आली आहे.

विद्यार्थ्यांना २० मिनिटे अतिरिक्त वेळ
नीट यूजी २०२२ च्या परीक्षेत बसलेल्या सर्व उमेदवारांना २० मिनिटे अतिरिक्त दिली जाणार आहेत. त्यानुसार, यावर्षी विद्यार्थ्यांना नीट यूजी परीक्षेसाठी एकूण ३ तास २० मिनिटांचा वेळ दिला जाईल. २०२१ मध्ये नीट परीक्षेत २०० प्रश्न विचारण्यात आले होते. त्यापैकी १८० प्रश्नांची उत्तरे विद्यार्थ्यांना द्यायची होती. दरम्यान विद्यार्थ्यांनी एनटीएला पत्र लिहून वगळलेल्या प्रश्नांचाही अभ्यास करावा लागतो, असा युक्तिवाद केला होता.

जुलैमध्ये होणार परीक्षा
नीट यूजी परीक्षा (NEET UG 2022) १७ जुलै २०२२ रोजी होणार आहे. नीट २०२२ साठी ६ मे २०२२ रोजी रात्री ११.५० पर्यंत अर्ज करता येणार आहे. तसेच ७ मे रोजी रात्री ११.५० वाजेपर्यंत अर्ज शुल्क जमा करता येणार आहे. यामध्ये उत्तीर्ण झालेल्या विद्यार्थ्यांना देशातील नामांकित संस्थांमधून वैद्यकीय अभ्यासक्रम म्हणजेच एमबीबीएस करण्याची संधी मिळणार आहे. परीक्षेची वेळ वाढवल्याने विद्यार्थ्यांना मोठा दिलासा मिळणार असून ते सर्व प्रश्न चांगल्या प्रकारे समजून घेऊन त्यांची उत्तरे लिहू शकतील.

NEET UG २०२२ परीक्षेसंदर्भात महत्वाची माहिती
नीट यूजी २०२२ परीक्षेत भौतिकशास्त्र, रसायनशास्त्र आणि जीवशास्त्र (वनस्पतिशास्त्र आणि प्राणीशास्त्र) मधील २०० बहुपर्यायी प्रश्न विचारले जातील. प्रत्येक विषयातील ५० प्रश्न अ आणि ब अशा दोन विभागामध्ये विभागले जातील. परीक्षेचा कालावधी २०० मिनिटे म्हणजेच ३.२० तासांचा असेल. दुपारी २ ते ५.२० या वेळेत परीक्षा होणार आहे.

NEET UG परीक्षेचे पेपर १३ भाषांमध्ये
एनटीएकडून भारतातील ५४३ शहरांमध्ये आणि परदेशातील १४ शहरांमध्ये नीट २०२२ चे आयोजन केले जाणार आहे. नीट परीक्षा इंग्रजी व्यतिरिक्त हिंदी, आसामी, बंगाली, गुजराती, कन्नड, मल्याळम, मराठी, ओडिया, पंजाबी, तमिळ, तेलगू आणि उर्दू या १२ भारतीय भाषांमध्ये होणार आहे. विद्यार्थ्याला संबंधित प्रादेशिक भाषेनुसार प्रादेशिक परीक्षा केंद्रे निवडावी लागणार आहेत.

-----------------------------------------------------------------------------------------------------

VidyarthiMitra.org

Admission Guidance 2021: WhatsApp https://wa.me/917720025900

Get real-time alerts and all the news on your phone with the all-new VidyarthiMitra app. Download from Google Play

Aptitude Test | Career Counselling | Option From Filling | Admission Assistance | 

Call 77200 25900 or 77200 81400                   

11th Admissions (FYJC) & DTE Cut-off | Cutoffs 2021 |

We bring you the fastest and relevant notifications on Bank, Railways, and Govt Jobs. Stay Connected 
Join us on WhatsApp https://wa.me/917720025900

| Cutoffs & Opening Closing Ranks => CSAB 2021 | JoSSA 2021 | MHT-CET 2021 | MBA 2021 | Pharmacy 2021 | Polytechnic 2021

--------------------------------------------------------------------------------------------------------------------------------------------------------
 Get free Educational & jobs alert on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send WHATSAPP message (Your Name, City & Interest)

--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर किंवा* *टेलेग्राम (https://t.me/VidyarthiMitra) हा मोबाईल नं. सेव्ह करून आपले <नाव> <शहराचे नाव> <नोकरी> ७७२०० २५९०० मेसेज पाठवा.