पुणे विद्यापीठ पदवी व पदव्युत्तर पदवीच्या प्रथम सत्र परीक्षा पुढील महिन्यापासून सुरू होणार

PUBLISH DATE 10th February 2021

सावित्रीबाई फुले पुणे विद्यापीठाच्या पदवी व पदव्युत्तर पदवीच्या प्रथम सत्राची परीक्षा १५ मार्च पासून ऑनलाइन पद्धतीने घेण्याचा निर्णय परीक्षा मंडळाच्या बैठकीत घेण्यात आला आहे.

ही परीक्षा ऑनलाइन होणार असली तरी ती विद्यार्थ्यांच्या मोबाईल, लॅपटॉपवर होणार की महाविद्यालय स्तरावर याचा निर्णय उपसमितीचा अहवाल आल्यानंतर पुढील तीन ते चार दिवसात स्पष्ट होणार आहे.

पुणे विद्यापीठाच्या परीक्षा मंडळाची बैठक मंगळवारी (ता.९) पार पडली. त्यामध्ये गुणवत्ता, गैरप्रकारांना रोखणे, विद्यार्थ्यांची सोय याचा विचार करून परीक्षेचे नियोजन केले जाणार आहे. द्वितीय वर्ष ते अंतिम वर्षाच्या विद्यार्थ्यांची परीक्षा १५ मार्च पासून सुरू होतील, तर प्रथम वर्षाच्या विद्यार्थ्यांच्या परीक्षा ३० मार्च पासून होणार आहेत. परीक्षेतील गैरप्रकार रोखण्यासाठी पूर्ण प्रॉक्टर्ड पद्धतीचा वापर केला जाणार आहे. परीक्षेत गैरप्रकार करण्याचा प्रयत्न करणाऱ्या विद्यार्थ्यांना पाच वेळा इशारा दिला जाईल, त्यानंतर परीक्षा आपोआप बंद होणार आहे.

परीक्षेतील गैरप्रकार रोखण्यासाठी ही परीक्षा महाविद्यालय स्तरावर ऑनलाइन घेतली जाईल अशी चर्चा होती. पण विद्यार्थी आणि महाविद्यालयांची सोय लक्षात घेता परीक्षा वैयक्तिक मोबाईल घ्यावी की परीक्षा केंद्रावर याचा निर्णय घेण्यासाठी उपसमिती नेमली आहे. ही उपसमिती तीन दिवसात याचा अहवाल सादर करेल. अंतिम वर्षाच्या विद्यार्थ्यांच्या उत्तरपत्रिका तपासण्यासाठी महाविद्यालयांच्या लॅबचा उपयोग केला जाईल. लवकरच याबाबतचे परिपत्रक काढले जाईल, असे परीक्षा व मूल्यमापन मंडळाचे संचालक डॉ. महेश काकडे यांनी सांगितले.

अंतिम वर्षाची परीक्षा ७० गुणांची
पदवी व पदव्युत्तर पदवीच्या अंतिम वर्ष सोडून इतर सर्व वर्षाच्या परीक्षा बहुपर्यायी प्रश्‍न (मल्टिपल च्वाइस क्वेश्‍चन-एमसीक्यू) पद्धतीने होणार आहेत. ही परीक्षा ५० गुणांची व एका तासाची होणार आहे. तर अंतिम वर्ष हे महत्त्वाचे असल्याने या वर्षातील विद्यार्थ्यांची परीक्षा ७० गुणांची व दीड तासाची होणार आहे. यामध्ये ५० गुणांचे एमसीक्यू प्रश्‍न असतील, यासाठी एका तासाचा वेळ असेल. तर २० गुणांच्या लेखी परीक्षेसाठी अर्ध्या तासाचा वेळ असेल. विद्यार्थ्यांना लेखी परीक्षेसाठी पाचपैकी ४ प्रश्‍न सोडवावे लागतील. प्रत्येक प्रश्‍नाचे उत्तर ३० शब्दांच्या आत असणे आवश्‍यक आहे. या प्रश्‍नांचे उत्तर एका कागदावर लिहून त्याचे ते स्कॅन करावे लागणार आहे. त्यानंतर त्याचा क्युआर कोड जनरेट करून तो उत्तरपत्रिकेला जोडावा लागणार आहे.

- प्रथम सत्र परिक्षेसाठी साडे सहा लाख विद्यार्थी
- इंग्रजी आणि मराठी दोन्ही माध्यमातून सुमारे ७५०० विषयांची परीक्षा
- आत्तापर्यंत ३ लाख विद्यार्थ्यांनी परीक्षा अर्ज भरले, २८ फेब्रुवारी पर्यंत मुदत
- प्रथम वर्ष ते अंतिम पूर्व वर्ष परीक्षा ५० गुणांची आणि एका तासाची
- अंतिम वर्षाची परीक्षा ७० गुणांची आणि दीड तासाचा वेळ
- मार्चच्या दुसऱ्या आठवड्यात वेळापत्रक जाहीर होणार

Get complete Admission Guidance without stepping out of your house.

Join Telegram channel For Engineering & Pharmacy Admission Guidance: https://t.me/VidyarthiMitra_AdmissionGuidance

Join WhatsApp Group channel For Engineering & Pharmacy Admission Guidance: Click here to Join WhatsApp Group

Medical Admissions: https://t.me/VidyarthiMitra_MedicalAdmission

Vidyarthi Mitra App link https://bit.ly/2ZmcyYY

Get real-time alerts and all the news on your phone with the all-new VidyarthiMitra app. Download from Google Play

Aptitude Test | Career Counselling | Option From Filling | Admission Assistance |

Call 77200 25900 or 77200 81400

11th Admissions (FYJC) & DTE Cut-off | Cutoffs 2020 |

We bring you the fastest and relevant notifications on Bank, Railways, and Govt Jobs. Stay Connected
Join us on WhatsApp https://wa.me/917720025900

--------------------------------------------------------------------------------------------------------------------------------------------------------
Get free Educational & jobs alert on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send WHATSAPP message (Your Name, City & Interest)

--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर किंवा* *टेलेग्राम (https://t.me/VidyarthiMitra) हा मोबाईल नं. सेव्ह करून आपले <नाव> <शहराचे नाव> <नोकरी> ७७२०० २५९०० मेसेज पाठवा.