वैद्यकीय अभ्यासक्रमांच्या पदवी आणि पदव्युत्तर विद्याशाखेच्या परीक्षा १५ जुलैपासून घेण्याची महाराष्ट्र आरोग्य विज्ञान विद्यापीठाची तयारी आहे, असे वैद्यकीय शिक्षण व संशोधनमंत्री अमित देशमुख यांनी स्पष्ट केले.

त्यांनी गुरुवारी राज्यपालांची भेट घेऊन त्यांना या परीक्षांच्या तयारीची माहिती दिली. राज्यपालांनीही परीक्षांच्या या प्रस्तावाला मान्यता दिली आहे.

राज्यपाल तथा कुलपती कोश्यारी यांची राजभवनात भेट घेऊन अमित देशमुख यांनी आरोग्य विज्ञान विद्यापीठातर्फे तयार करण्यात आलेला वैद्यकीय परीक्षा घेण्याबाबतचा विस्तृत आराखडा सादर केला. विद्यापीठाने परीक्षा घेण्यासंदर्भात केलेल्या नियोजनाचे यावेळी राज्यपालांनी कौतुक केले. राज्यपालांना दिलेल्या पत्रामध्ये देशमुख यांनी परीक्षासंदर्भात तीन पर्याय तयार केले असल्याचे सांगितले. पहिल्या प्रस्तावानुसार परिस्थिती अनुकूल असल्यास सर्व लेखी परीक्षा १५ जुलै ते १५ ऑगस्ट या कालावधीत घेण्यात येतील. करोनामुळे या कालावधीत परीक्षा घेणे शक्य न झाल्यास त्या १६ ऑगस्ट ते १५ सप्टेंबर या कालावधीत घेण्यात येईल. या दोन्ही पर्यायांनुसार परीक्षा होऊ न शकल्यास केंद्रीय वैद्यकीय परिषदेचे मार्गदर्शन घेण्यात येईल व त्यानुसार ऑनलाइन किंवा इतर पद्धतीने परीक्षा घेण्याबाबत निर्णय घेण्यात घेतील.

परीक्षांचा आराखडा तयार करताना सर्व संबंधित घटकांशी, माजी कुलगुरू, प्रकुलगुरू तसेच नियामक संस्थांशी विचारविनिमय केल्याचे व परिचर्या परिषद, वैद्यकीय परिषद तसेच इतर केंद्रीय संस्थांशीदेखील सल्लामसलत केल्याचे देशमुख यांनी सांगितले. आरोग्य विज्ञान विद्यापीठाच्या प्रस्तावाला राज्यपालांनी दिलेल्या मंजुरीबाबत विद्यापीठाच्या कुलगुरूंना स्वतंत्रपणे कळवण्यात आले आहे, असे राजभवनातून सांगण्यात आले.

विद्यार्थ्यांनी तयारी करावी

आरोग्य विज्ञान विद्यापीठामार्फत पदव्युत्तर वैद्यकीय विद्याशाखेच्या एम.डी, एम. एस. पदव्युत्तर दंत, आयुर्वेद, होमिओपॅथी, परिचर्या व तत्सम तसेच सर्व पदवी विद्याशाखांच्या परीक्षा घेण्यात येतील. या परीक्षांचे वेळापत्रक लवकरच जाहीर करण्यात येणार आहे. १५ जुलैपासून वैद्यकीय विद्यार्थ्यांच्या परीक्षा घेण्याचे नियोजन करण्यात आले आहे. मात्र काही अनपेक्षित गोष्टी घडल्यास याबाबत परिस्थिती पाहून त्या-त्या वेळी निर्णय घेण्यात येतील. याबाबत मुख्यमंत्री उद्धव ठाकरे यांच्याशी चर्चा करून निश्चित केले जाईल, अशी माहिती अमित देशमुख यांनी दिली. १५ जुलैपासून घेण्यात येणाऱ्या परीक्षेची विद्यार्थ्यांनी तयारी करावी, असे आवाहनही त्यांनी केले आहे.

Get real-time alerts and all the news on your phone with the all-new VidyarthiMitra app. Download from Google Play

Aptitude Test | Career Counselling | Option From Filling | Admission Assistance | 

Call 77200 25900 or 77200 81400

11th Admissions (FYJC) & DTE Cut-off | Cutoffs 2020 |

For all latest Govt Jobs 2019, Railway Jobs, Bank Jobs and SSC Jobs log on to https://goo.gl/YPjt94 We bring you fastest and relevant notifications on Bank, Railways and Govt Jobs. Stay Connected

| Cutoffs & Opening Closing Ranks => CSAB 2020 | JoSSA 2020 | MHT-CET 2020 | MBA 2020 | Pharmacy 2020 | Polytechnic 2020

--------------------------------------------------------------------------------------------------------------------------------------------------------
 Get free Educational & jobs alert on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send WHATSAPP message (Your Name, City & Interest)

--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर किंवा* *टेलेग्राम (https://t.me/VidyarthiMitra) हा मोबाईल नं. सेव्ह करून आपले <नाव> <शहराचे नाव> <नोकरी> ७७२०० २५९०० मेसेज पाठवा