मुंबई : मुंबई महापालिकेच्या रुग्णालयातील वैद्यकीय सेवा खासगी सार्वजनिक भागीदारीच्या तत्त्वावर (पीपीपी) देण्याचा वेग वाढत असताना आता याच प्रकारे वैद्यकीय महाविद्यालय सुरू करण्याच्या दृष्टीनेही पालिकेने चाचपणी सुरू केली आहे. गोवंडीतील शताब्दी रुग्णालयाच्या आवारात हे महाविद्यालय सुरू करण्याचा विचार असून त्यासाठी कोणते खासगी भागीदार उत्सुक आहेत, त्यांच्या गरजा, अटी-शर्ती काय आहेत, हे पालिका प्रशासन जाणून घेत आहे. हा प्रस्ताव मार्गी लागला तर पीपीपी तत्त्वावर चालवण्यात येणारे पहिले वैद्यकीय महाविद्यालय असेल.

गोवंडीतील पंडित मदनमोहन मालवीय शताब्दी रुग्णालय पालिकेच्या अखत्यारित येते. या रुग्णालयाच्या आवारात ५८० खाटांच्या सुपरस्पेशालिटी रुग्णालयात एमबीबीएससाठी १०० जागांची उपलब्धता प्रस्तावित वैद्यकीय महाविद्यालयात करण्यात येणार आहे.

खासगी क्षेत्रातून वैद्यकीय महाविद्यालयाची उभारणी करण्यासाठी कोण पुढाकार घेते, अटीनियम कोणते आहे, विद्यार्थी शिक्षकसंख्या यासह इतर तांत्रिक बाबींवर विचार करण्यात येईल. देवनार, गोवंडीसह पूर्व तसेच पश्चिम उपनगरातील रुग्णांना या नव्या रुग्णालयामुळे अधिक गुणवत्तापूर्ण वैद्यकीय सेवासुविधा मिळतील, असा विश्वास पालिका प्रशासनाला वाटतो.

स्थानिकांना प्रश्न -
स्थानिकांनी यासंदर्भात एका महत्त्वाच्या मुद्द्याकडे लक्ष वेधले आहे. पालिका रुग्णालयामध्ये देण्यात येणाऱ्या सेवा सुविधा या तुलनेने अधिक गुणवत्तापूर्ण आणि अत्यंत माफक दरात तर काही सेवा पूर्णपणे निःशुल्क असतात. त्यामुळे गरजू रुग्णांना दिलासा मिळतो. पीपीपी तत्वावरील रुग्णालयामध्ये वैद्यकीय सेवांचे शुल्क आकारणी करण्याची शक्यता आहे.

ही तर चाचणीच -
एमबीबीएस विद्यार्थ्यांसाठी शंभर जागांच्या वैद्यकीय महाविद्यालयामध्ये शुल्करचना तसेच प्रवेशासंदर्भातील निकष कसे असतील. रुग्णालयात रुग्णांना कोणत्या सेवांसाठी शुल्कआकारणी केली जाईल, यासंदर्भात प्राथमिक टप्प्यात काही सांगता येत नाही. अशाप्रकारचे मॉडेल मुंबईत उभे राहू शकते का, यासाठी अभ्यास असल्याचे मत अधिकाऱ्यांनी व्यक्त केले.

वैद्यकीय महाविद्यालयाच्या प्रस्तावाला अंतिम स्वरूप आल्यास तीस टक्के खाटा या पालिका रुग्णांसाठी राखीव असण्याची शक्यता आहे. इतर सुविधा, शुल्करचनेच्या बाबी या प्रत्यक्ष प्रकल्प मार्गी लागल्यानंतर चर्चा करण्यात येतील.
- डॉ. नीलम अंद्राडे, संचालक, वैद्यकीय शिक्षण विभाग (पालिकेची प्रमुख रुग्णालये)

• शताब्दी रुग्णालयाच्या आवारात उभारणीचा विचार
• खासगी भागीदारांच्या उत्सुकतेची चाचपणी
• पूर्व उपनगरांतील रुग्णांना मिळणार दिलासा

------------------------------------------------------------------------------------

Admission Guidance 2024: WhatsApp https://wa.me/917720025900

Get real-time alerts and all the news on your phone with the all-new VidyarthiMitra app. Download from Google Play

Aptitude Test | Career Counselling | Option From Filling | Admission Assistance | 

Call 77200 25900 or 77200 81400                   

11th Admissions (FYJC) & DTE Cut-off | Cutoffs 2024 |

We bring you the fastest and most relevant notifications on Bank, Railways, and Govt Jobs. Stay Connected 
Join us on WhatsApp https://wa.me/917720025900

| Cutoffs & Opening Closing Ranks => CSAB 2024 | JoSSA 2024 | MHT-CET 2024 | MBA 2024 | Pharmacy 2024 | Polytechnic 2024

--------------------------------------------------------------------------------------------------------------------------------------------------------
 Get free Educational & jobs alerts on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send WHATSAPP message (Your Name, City & Interest)

--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर किंवा* *टेलेग्राम (https://t.me/VidyarthiMitra) 77200 25900 हा मोबाईल नं. सेव्ह करून आपले <नाव> <शहर> <नोकरी/शिक्षण> पाठवा.