Higher Education

Higher Education

प्राध्यापक, विद्यार्थी आणि संशोधक यांना संशोधनासाठी ऑनलाइन संदर्भग्रंथ

PUBLISH DATE 29th April 2020

उच्च शिक्षणामध्ये संशोधनाला खूप महत्त्व आहे. आजमितीला उच्च शिक्षण देणाऱ्या संस्था या शहरी भागांबरोबरच ग्रामीण भागांमध्येही मोठ्या प्रमाणावर विस्तारल्या आहेत.

या संस्थांमधील प्राध्यापक, विद्यार्थी आणि संशोधक यांना संशोधनासाठी तसंच अभ्यासासाठी संदर्भग्रंथ, चांगले (कोर व पीअर रिव्हूड) जर्नल्स, डेटाबेस आदींची आवश्यकता असते. हे सर्व विकत घेणं सर्वच संस्थांना परवडणारं नसतं. त्यामुळे जर संशोधनाची विविध संसाधनं इलेक्ट्रॉनिक स्वरुपात आणि कमी फीमध्ये महाविद्यालयांना उपलब्ध झाल्यास ते उपयुक्त ठरेल. नेमकी हीच गरज लक्षात घेऊन ई-शोधसिंधूची निर्मिती केंद्रीय मनुष्यबळ मंत्रालयाच्या वतीनं करण्यात आली.

विद्यापीठ अनुदान आयोगाच्या डिजिटल लायब्ररी कन्सोर्टियम, एन-लिस्ट (नॅशनल लायब्ररी अँड इन्फॉर्मेशन सर्व्हिसेस इन्फ्रास्ट्रक्चर फॉर स्कॉलर्ली कंटेट) आणि ए.आय.सी.टी.ईच्या इनडेस्ट ( इंडियन नॅशनल डिजिटल लायब्ररी इन इंजिनीअरिंग अँड टेक्नॉलॉजी कन्सोर्टियम) या तीनही कन्सोर्टियमचे विलिनीकरण करुन डिसेंबर २०१५ ई-शोधसिंधू ही निर्मिती करण्यात आली.

ई-शोधसिंधूवर १५००० हून अधिक कोअर आणि पिअर रिव्हूड जर्नल्स (सध्या उपलब्ध असलेले तसंच जुने दस्तावेज) उपलब्ध करुन दिले आहेत. अनेक प्रकाशक व संस्थांमधील विविध विद्याशाखांतील ग्रंथसूची, तथ्यावर आधारित माहितीकोश (डेटाबेस) आणि सायटेशन (Citation) ई-शोधसिंधू आपल्या सदस्य संस्थाना पुरवते.

उच्च शिक्षणातील संशोधनासाठी गुणवत्तापूर्ण इलेक्ट्रॉनिक संसाधनं (मजकूर, संदर्भसूची, माहितीकोश) कमीत कमी सदस्यत्व फीमध्ये उपलब्ध करुन देण्याच्या हेतूने ई-सिंधू कार्य करतं. ई- शोधसिंधूचे सदस्यत्व विद्यापीठ आणि महाविद्यालय घेऊ शकतात. जवळपास १३ प्रकाशकांकडून प्रकाशित होणाऱ्या ७००० हून अधिक जर्नल्सचा संपूर्ण मजकूर, संदर्भसूचीचे चार डेटाबेस सदस्यांना उपलब्ध केलं जातं. महाविद्यालयांसाठी उपयुक्त ६५०० हून अधिक जर्नल्स आणि ३१ लाखांहून अधिक ई-पुस्तकं उपलब्ध आहेत.

ई-शोधसिंधूने साऊथ एशिया अर्काईव्हज आणि वर्ल्ड ई बुक लायब्ररी यांचं सदस्यत्व घेतलं आहे. तसंच त्यांच्याकडील काही संसाधनं विकत घेतली आहेत. वर्ल्ड ई-बुक लायब्ररीमध्ये गेल्या हजार वर्षातील ३२० भाषांमधील ३० लाखांहून अधिक संसाधनं उपलब्ध आहेत. प्रत्येक विद्याशाखेतील शैक्षणिक आर्टिकल्स आणि स्कॉलर्ली जर्नल्स यांचा समावेश असलेले समकालीन जर्नल्सचे संग्रह देखील वर्ल्ड ई-बुक लायब्ररीमध्ये उपलब्ध आहेत. साऊथ एशिया अर्काईव्हजमध्ये १८व्या शतकापासून ते २० व्या शतकाच्या मध्यापर्यंतची ४५ लाखांहून अधिक पृष्ठसंख्येची भारतीय उपखंडाशी संबंधित ऐतिहासिक दस्तावेज उपलब्ध आहे. ई-शोधसिंधूमार्फत सदस्य संस्था या ज्ञानभांडाराचा उपयोग करुन घेऊ शकतात.

वेबसाइट- https://ess.inflibnet.ac.in

Get real-time alerts and all the news on your phone with the all-new VidyarthiMitra app. Download from Google Play

Aptitude Test | Career Counselling | Option From Filling | Admission Assistance | 

Call 77200 25900 or 77200 81400

11th Admissions (FYJC) & DTE Cut-off | Cutoffs 2020 |

For all latest Govt Jobs 2019Railway JobsBank Jobs and SSC Jobs log on to https://goo.gl/YPjt94 We bring you fastest and relevant notifications on Bank, Railways and Govt Jobs. Stay Connected

| Cutoffs & Opening Closing Ranks => CSAB 2020 | JoSSA 2020 | MHT-CET 2020 | MBA 2020 | Pharmacy 2020 | Polytechnic 2020