हार्वर्ड विद्यापीठ आणि एम.आय.टी. (मॅसेच्युसेट्स इन्स्टिट्यूट ऑफ टेक्नॉलॉजी) या प्रख्यात संस्थांनी एकत्रितपणे २०१२ साली एडएक्स (edX) हे ऑनलाइन शिक्षणाचे अनोखे व्यासपीठ (लर्निंग प्लॅटफॉर्म) निर्माण केले आहे.

जगभरात कोणालाही , कुठेही उच्च गुणवत्तेचे शिक्षण देण्याची व्यवस्था निर्माण करणं, कॅम्पस व ऑनलाइन शिक्षणाची नवीन पद्धतीनं मांडणी करणं आणि संशोधनावर आधारित अध्ययन व अध्यापन पद्धतीनं शिक्षणाची उत्पादकता वाढवणं ही उद्दिष्ट्यं समोर ठेवून एडएक्स काम करतं. आज एडएक्स हा दोन कोटी चाळीस लाखाहून अधिक विद्यार्थी/ प्रशिक्षणार्थींकडून, जगातील अग्रगण्य विद्यापीठं आणि उद्योगसमूहांकडून नियमितपणे वापरला जाणारा प्लॅटफॉर्म बनला आहे.

एडएक्सच्या माध्यमातून अनेक प्रकारचे अभ्यासक्रम उपलब्ध आहेत. मूक्सच्या (MOOC- Massive Open Online Courses) माध्यमातून काही ऑनलाइन क्रेडीट कोर्सेस उपलब्ध आहेत. ऑनलाइन शिक्षणामध्ये अभ्यास साहित्य पीडीएफ पुस्तकांच्या स्वरुपात दिलं जातं. व्हिडीओ लेक्चर्स होतात. चर्चेसाठी डिस्कशन फोरम असतात. जगभरातील विद्यार्थी आणि अध्यापक एकमेकांशी अभ्यासाविषयी संवाद साधू शकतात. एडएक्सद्वारे रिसर्च डेटा एक्सचेंजची (आर.डी.एक्स) निर्मिती करण्यात आली आहे, जेणेकरुन जगभरातील संशोधकांना एकामेकांशी संवाद आणि सहयोग साधण्यास मदत होत आहे.

उद्योग व्यवसायामध्ये बदल जलदगतीने होत आहेत. आर्टिफिशियल इंटेलिजन्स, ऑटोमेशन आणि बिग डेटा यासारख्या तंत्रज्ञानानं उद्योगांचं चित्र बदलत आहे. तसंच या तंत्रज्ञानाची मागणी झपाट्यानं वाढत आहे. पारंपरिक पद्धतीनं शिक्षण देणाऱ्या व्यवस्था या उद्योग आणि विद्यार्थी यांना या नव्या तंत्रज्ञानाच्या गरजा वेगानं पूर्ण करण्यास काही अंशी असमर्थ ठरत आहेत. तंत्रज्ञानानं प्रगत आणि क्लिष्ट (कॉम्प्लेक्स) होत चाललेल्या जगात सर्वांना परवडेल असे लवचीक शिक्षण एडएक्सच्या माध्यमातून दिलं जात आहे. मायक्रोबॅचलर, मायक्रोमास्टर्स, प्रोफेशनल सर्टिफिकेट, ऑनलाइन मास्टर्स पदवी अशा विविध प्रकारचे अभ्यासक्रम एडएक्सकडून दिले जात आहेत.

पदवीच्या पातळीवर नवनवीन तंत्रज्ञानाचं शिक्षण देण्याच्या दृष्टीनं मायक्रो बॅचलर्स अभ्यासक्रमांची रचना केली आहे. चॉइस बेस्ड क्रेडीट सिस्टीमच्याही पुढे जाणारी मॉड्युलर पदवी शिक्षण पद्धतीचा अवलंब या अभ्यासक्रमांत केला जात आहे. यामध्ये विविध विद्यापीठातून विविध क्रेडीट कोर्सेस करुन पदवीदेखील पूर्ण करण्याची संकल्पना मांडली आहे. एडएक्स प्लॅटफॉर्मचा वापर करुन जॉर्जिया टेक विद्यापीठानं अनॅलिटिक्समधील पहिला पूर्ण ऑनलाइन पदव्युत्तर पदवी (मास्टर्स) अभ्यासक्रम सुरु केला. कमी फी आणि घरी बसूनच अभ्यासक्रम पूर्ण करायचा असल्यानं याला विद्यार्थ्यांचा मोठा प्रतिसाद मिळाला. विद्यापीठांमध्ये उपलब्ध असणाऱ्या जवळपास सर्वच विषयांतील २८०० हून अधिक अभ्यासक्रम एडएक्सवर उपलब्ध आहेत. जगभरातील प्रख्यात विद्यापीठांच्या, प्राध्यापकांच्या आणि उद्योगांच्या सहकार्यानं अभ्यासक्रमांची निर्मिती केली आहे.

कोव्हिड- १९च्या पार्श्वभूमीवर एडएक्सने संवेदनशीलता दाखवत अनेक उपक्रम सुरु केले आहेत. वेबिनार्स, फेसबुक लाइव्ह, ब्लॉग, फेसबुक कम्युनिटी अशा विविध मार्गांनी एडएक्स जगभरातील विद्यार्थी, अध्यापक आणि संशोधक मंडळींशी जोडून घेत आहे. जागतिक लॉकडाऊनच्या काळात एडएक्सनं शालेय शिक्षकांपासून ते व्यावसायिकांनाही उपयुक्त ठरतील असे अनेक अभ्यासक्रम मोफत उपलब्ध करून दिले आहेत. दोन ते तीन आठवडे कालावधीचे हे अभ्यासक्रम आहेत.

वेबसाइट- https://www.edx.org/

Get real-time alerts and all the news on your phone with the all-new VidyarthiMitra app. Download from Google Play

Aptitude Test | Career Counselling | Option From Filling | Admission Assistance | 

Call 77200 25900 or 77200 81400

11th Admissions (FYJC) & DTE Cut-off | Cutoffs 2020 |

For all latest Govt Jobs 2019, Railway Jobs, Bank Jobs and SSC Jobs log on to https://goo.gl/YPjt94 We bring you fastest and relevant notifications on Bank, Railways and Govt Jobs. Stay Connected

| Cutoffs & Opening Closing Ranks => CSAB 2020 | JoSSA 2020 | MHT-CET 2020 | MBA 2020 | Pharmacy 2020 | Polytechnic 2020