मेडिकल, इंजिनीअरिंग, व्यवस्थापन आणि सर्व प्रकारच्या उच्च शिक्षणासाठा एकच आयोग असणार

PUBLISH DATE 2nd June 2020

उच्च शिक्षणावर सध्या नियंत्रण ठेवणाऱ्या विविध संस्थांचे एकत्रीकरण करून 'उच्च शिक्षण पदोन्नती आयोग' (एचईपीसी) स्थापन करण्याची महत्त्वपूर्ण सूचना नवीन शिक्षण धोरणाच्या अंतिम मसुद्यामध्ये करण्यात आली आहे. यामुळे सध्या अस्तित्वात असलेल्या विविध नियमन संस्था एकाच छत्राखाली येतील.

सध्या उच्च शिक्षणात विद्यापीठांचे नियमन करण्यासाठी विद्यापीठ अनुदान आयोग कार्यरत आहे. तर, तंत्र शिक्षण संस्थांवर नियंत्रण ठेवण्यासाठी अखिल भारतीय तंत्र शिक्षण परिषद, औषधनिर्माणशास्त्राचा अभ्यास शिकविणाऱ्या संस्थांवर नियमन करण्यासाठी औषधनिर्माण शिक्षण परिषद, वैद्यकीय कॉलेजांसाठी वैद्यकीय परिषद अशा विविध संस्था कार्यरत आहेत. यामुळे अनेकदा अभ्यासक्रम निश्चितीपासून ते पदवीदान करण्यापर्यंत विविध मुद्यांवर विषमता आढळून येते. या सर्वांवर नियंत्रण आणण्यासाठी सर्व संस्थांचे मिळून एकच आयोग असावा, अशी सूचना गेली अनेक वर्षे शिक्षणतज्ज्ञ करत होते. त्यानुसार आता येऊ घातलेल्या नवीन शैक्षणिक धोरणात याची सूचना करण्यात आली आहे. पंतप्रधान नरेंद्र मोदी यांच्या कार्यालयाकडून आलेल्या सूचनांनुसार बदल करून अंतिम करण्यात आलेल्या मसुद्यातही ही सूचना कायम ठेवण्यात आली आहे.

आयोगाचे कामकाज चार विभागांत

नवीन आयोगाचे कामकाज नियमन, मूल्यांकन, अनुदान आणि शैक्षणिक दर्जा अशा चार विभागांत विभागणी करून कामकाज होणार आहे. या विभागांना अनुक्रमे राष्ट्रीय उच्च शिक्षण नियमन प्राधिकरण, राष्ट्रीय मूल्यांकन परिषद, उच्च शिक्षण अनुदान परिषद आणि सामान्य शिक्षण परिषद अशी नावे देण्यात येणार आहेत. यामुळे उच्च शिक्षणात आवश्यक ते बदल करणे तसेच विविध शैक्षणिक संस्थांवर नियमन ठेवणे शक्य होणार आहे, असे मत शिक्षण तज्ज्ञांनी व्यक्त केले आहे. नियमभंग करणाऱ्या एखाद्या संस्थेला दंड ठोठावण्यापासून ते मान्यता रद्द करेपर्यंत कारवाई करण्याचे अधिकार या आयोगाला देण्यात आले आहेत.

संस्थांना अधिक स्वायत्तता

शैक्षणिक संस्थांना आतापेक्षा जास्त स्वायत्तता देण्याची सूचनाही या मसुद्यात करण्यात आली आहे. यामुळे शैक्षणिक संस्था विविध शिक्षणक्रम सुरू करू शकतील. यासाठी संस्थांच्या नियामक मंडळांना अधिक अधिकार देण्यात आले आहेत. याचबरोबर या नवीन धोरणानुसार नवीन शैक्षणिक संस्था सुरू करणे अधिक सोपे होणार आहे.

Get real-time alerts and all the news on your phone with the all-new VidyarthiMitra app. Download from Google Play

Aptitude Test | Career Counselling | Option From Filling | Admission Assistance |

Call 77200 25900 or 77200 81400

11th Admissions (FYJC) & DTE Cut-off | Cutoffs 2020 |

For all latest Govt Jobs 2019, Railway Jobs, Bank Jobs and SSC Jobs log on to https://goo.gl/YPjt94 We bring you fastest and relevant notifications on Bank, Railways and Govt Jobs. Stay Connected

--------------------------------------------------------------------------------------------------------------------------------------------------------
Get free Educational & jobs alert on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send WHATSAPP message (Your Name, City & Interest)

--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर किंवा* *टेलेग्राम (https://t.me/VidyarthiMitra) हा मोबाईल नं. सेव्ह करून आपले <नाव> <शहराचे नाव> <नोकरी> ७७२०० २५९०० मेसेज पाठवा