भारतातील विद्यापीठामध्ये शिकत असतानाच एखाद्या नामांकित परदेशी विद्यापीठांतून ऑनलाइन अभ्यासक्रम पूर्ण करता येईल. परदेशी विद्यापीठातून ऑनलाइन अभ्यासक्रम करण्याचे अनेक फायदे असतात.

पारंपरिक विद्यापीठांतील अभ्यासक्रम हे अनेकदा उद्योगामध्ये जे अद्ययावत तंत्रज्ञान वापरतात त्याच्याशी सुसंगत नसते. त्यामुळे जेव्हा विद्यार्थी नोकरीसाठी चांगल्या उद्योगांकडे जातात तेव्हा त्यांचे ज्ञान हे कालसुसंगत नसते. काहीवेळा विद्यार्थी परदेशामध्ये पदव्युत्तर शिक्षण घेण्यासाठी जातात तेव्हा देखील त्यांना तेथील शिक्षणाशी जुळवून घेताना सुरुवातीला त्रास होतो. याचं कारण आपल्याकडील पदवी अभ्यासक्रमांमध्ये नवीनतम विषयांचा समावेश नसतो. उद्योग वा व्यवसायामध्ये कार्यरत असताना अनेक प्रोफेशनल्सना नवीन ज्ञान किंवा त्यांच्याच क्षेत्रातील अद्ययावत ज्ञान घेण्याची गरज भासते. पुन्हा पारंपरिक विद्यापीठामध्ये जाऊन प्रत्यक्ष शिक्षण घेणे हे अशांना विविध कारणांमुळे शक्य होत नाही. वरील सर्व प्रश्नांवर वा गरजांवर ऑनलाइन शिक्षण हे उत्तर आहे. या प्रकारच्या शिक्षणामध्ये आपल्या गतीनं शिकण्याची सोय असते. आपल्या वेळेनुसार आणि कुठूनही अभ्यासक्रम पूर्ण करण्याची संधी असते.

ज्यांना नवीनतम शिक्षण घ्यायचे आहे, नवीन करिअरच्या संधी शोधायच्या आहेत, आजीवन आपल्या आवडीचे शिक्षण घ्यायचे आहे त्यांच्यासाठी स्टॅनफोर्ड ऑनलाइन उत्तम व्यासपीठ आहे. १९९५मध्ये या शिक्षण विस्तार केंद्राची सुरुवात झाली. यामध्ये पदवी, प्रगत पदवी (अॅडव्हान्स्ड डिग्री), व्यावसायिक प्रमाणपत्र, जागतिक आणि कार्यकारी (एक्झिक्युटीव्ह) अभ्यासक्रम, आजीवन अध्ययन (लाइफलाँग लर्निंग) या प्रकारचे अभ्यासक्रम उपलब्ध आहेत. यावरील काही अभ्यासक्रम हे मोफत आहेत. स्टॅनफोर्ड ऑनलाइन हे स्टॅनफोर्ड सेंटर फॉर प्रोफेशनल डेव्हल्पमेंटचा भाग आहे. स्टॅनफोर्ड विद्यापीठाच्या विविध स्कूल्स, विभाग, सेंटर्स यांच्यासमवेत एकत्रितपणे काम करुन अनेक अभ्यासक्रम आणि उपक्रम स्टॅनफोर्ड ऑनलाइनमध्ये तयार केले जातात.

स्टॅनफोर्ड ऑनलाइनमध्ये दोन प्रकारे शिक्षण घेता येईल.

० ज्या व्यक्तींना व्यक्तिगत (Indiviual) शिक्षण घ्यायचे आहे अशासाठी अभ्यासक्रम उपलब्ध आहेत.

० कंपन्या, स्वयंसेवी संस्था, शासकीय संस्था वा अन्य समूह ज्यांना त्यांच्या कर्मचारी, अधिकारी यांच्या समूहाला ऑनलाइन प्रशिक्षण द्यायचे आहे. या प्रकारामध्ये त्या समूहाच्या गरजा लक्षात घेऊन अभ्यासक्रम तयार केले जातात.

येथे आर्टिफिशियल इंटेलिजन्स, आर्टस आणि ह्यूमॅनिटीज, बिझनेस अँड मॅनेजमेंट, कम्प्युटर सायन्स, डेटा सायन्स, एज्युकेशन, इंजिनीअरिंग, हेल्थ अँड मेडिसीन, एन्व्हायर्मेंट अँड एनर्जी, नॅचरल अँड सोशल सायन्सेस यासारख्या विद्याशाखांमधील विविध विषयांवरील अभ्यासक्रम उपलब्ध आहेत.

वेबसाइट- https://online.stanford.edu/

Get real-time alerts and all the news on your phone with the all-new VidyarthiMitra app. Download from Google Play

Aptitude Test | Career Counselling | Option From Filling | Admission Assistance | 

Call 77200 25900 or 77200 81400

11th Admissions (FYJC) & DTE Cut-off | Cutoffs 2020 |

For all latest Govt Jobs 2019, Railway Jobs, Bank Jobs and SSC Jobs log on to https://goo.gl/YPjt94 We bring you fastest and relevant notifications on Bank, Railways and Govt Jobs. Stay Connected

| Cutoffs & Opening Closing Ranks => CSAB 2020 | JoSSA 2020 | MHT-CET 2020 | MBA 2020 | Pharmacy 2020 | Polytechnic 2020

--------------------------------------------------------------------------------------------------------------------------------------------------------
 Get free Educational & jobs alert on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send WHATSAPP message (Your Name, City & Interest)

--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर किंवा* *टेलेग्राम (https://t.me/VidyarthiMitra) हा मोबाईल नं. सेव्ह करून आपले <नाव> <शहराचे नाव> <नोकरी> ७७२०० २५९०० मेसेज पाठवा