Entrance Exams

Entrance Exams

Maharashtra State CET CELL

PUBLISH DATE 22nd July 2025

Maharashtra CET CELL Exam: महाराष्ट्र राज्य सामायिक प्रवेश परीक्षा कक्षाकडून (सीईटी कक्ष) सध्या अनेक व्यावसायिक अभ्यासक्रमांची प्रवेश प्रक्रिया सुरू आहे. मात्र,त्यात आरक्षित प्रवर्गांखाली प्रवेश घेऊ इच्छिणाऱ्या विद्यार्थ्यांना आर्थिकदृष्ट्या दुर्बल घटकांसाठी (ईडब्ल्यूएस) आरक्षणातून प्रवेश घेता येणार नसल्याची सूचना सीईटी कक्षाने संकेतस्थळावर जाहीर केली आहे. तसेच अशा विद्यार्थ्यांनी तक्रार निवारण कालावधीत आपल्या अर्जासोबतच्या कागदपत्रांमध्ये योग्य बदल करावे, असे आवाहनही सीईटी कक्षाने केले आहे.

विविध अभ्यासक्रमांसाठी प्रवेश घेताना विद्यार्थी आपल्या प्रवर्गांमधून आरक्षणासाठी अर्ज करतात. यात अनुसूचित जाती, अनुसूचित जमाती, व्हीजेए, एनटी, इतर मागासवर्गीय, एसईबीसी, एसबीसी अशा प्रवर्गांचा समावेश आहे. आर्थिकदृष्ट्या दुर्बल घटकातील विद्यार्थ्यांसाठीही आरक्षण असते. अनेकदा आरक्षित प्रवर्गांमधून अर्ज करणारे विद्यार्थी या आरक्षणाचा लाभ घेण्यासाठी ईडब्ल्यूएस प्रमाणपत्र सादर करतात. अशा विद्यार्थ्यांना ईडब्ल्यूएस आरक्षणाचा लाभ घेता येणार नसून त्यांना त्यांच्या प्रवर्गातील आरक्षणाच्या कोट्यातूनच प्रवेश घेता येणार आहे. त्यामुळे विद्यार्थ्यांनी संबंधित आरक्षित प्रवर्गासाठी तक्रार निवारण कालावधीत आवश्यक कागदपत्रांसह अर्जात योग्य बदल करावे, असे सीईटी कक्षाने सुचवले आहे. तसेच तक्रार निवारण कालावधी नसलेल्या वैद्यकीय वा आयुष अशा अभ्यासक्रमांसाठी त्यांच्या नोंदणी कालावधीच्या शेवटच्या तारखेपर्यंत हे बदल करता येणार आहेत.

बीबीए-बीसीए या व्यावसायिक अभ्यासक्रमांसाठी सीईटी कक्षाने नियोजित केलेली अतिरिक्त सीईटी शनिवारी पार पडली. या अतिरिक्त सीईटीसाठी नोंदणी केलेल्या ४० हजार ६६७ विद्यार्थ्यांपैकी ३२ हजार ८३९ विद्यार्थी परीक्षेला उपस्थित होते. ही संख्या एकूण परीक्षार्थींच्या ८० टक्के एवढी होती. आता एप्रिल महिन्यात पहिली सीईटी देणाऱ्या विद्यार्थ्यांसह नव्या विद्यार्थ्यांनाही या अभ्यासक्रमांच्या प्रवेश प्रक्रियेची प्रतीक्षा आहे.

बीबीए, बीसीए, बीबीएम आणि बीएमएस या व्यावसायिक अभ्यासक्रमांची प्रवेश प्रक्रिया सीईटी कक्षाकडून राबवली जाते. या अभ्यासक्रमांसाठी राज्यभरात १ लाख ८ हजार एवढ्या जागा उपलब्ध आहेत. सीईटी कक्षाने २९ आणि ३० एप्रिल रोजी घेतलेल्या परीक्षेत ६१ हजार ६६६ विद्यार्थी उपस्थित होते. त्यामुळे ती संधी हुकलेल्या विद्यार्थ्यांसाठी सीईटी कक्षाने उच्च व तंत्रशिक्षण विभागाच्या निर्देशांनुसार शनिवारी अतिरिक्त सीईटीचे आयोजन केले.

या परीक्षेसाठी ४० हजार ६६७ विद्यार्थ्यांनी नोंदणी केली होती. राज्यभरात १३५ केंद्रांवर दोन सत्रांमध्ये झालेल्या या परीक्षेला ८०.७५ टक्के म्हणजे ३२,८३९ विद्यार्थ्यांनी उपस्थिती नोंदवली. त्यामुळे पहिल्या व या अतिरिक्त सीईटीला उपस्थित राहिलेल्या सर्वच्या सर्व विद्यार्थ्यांनी प्रवेश प्रक्रियेत सहभाग नोंदवला, तरी राज्यातील किमान १५ हजार जागा रिक्तच राहणार आहेत. त्यातही पहिली सीईटी देणाऱ्या विद्यार्थ्यांनीही या दुसऱ्या परीक्षेसाठी नोंदणी केली होती.

आता या दोन्ही सीईटी दिलेल्या विद्यार्थ्यांना दुसऱ्या सीईटीच्या निकालाची आणि त्यानंतर प्रवेश फेरीची प्रतीक्षा आहे. पहिली सीईटी दिलेल्या ६१ हजार विद्यार्थ्यांना याआधीच तीन महिने प्रतीक्षा करावी लागली आहे. त्यात आणखी भर पडणार असल्याने यापैकी काही विद्यार्थ्यांनी इतर अभ्यासक्रमांनाही पसंती दिली असण्याची शक्यता आहे.

-------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------

VidyarthiMitra Career Guidance

Admission Guidance 2024: WhatsApp https://wa.me/917720025900

Get real-time alerts and all the news on your phone with the all-new VidyarthiMitra app. Download from Google Play

Aptitude Test | Career Counselling | Option From Filling | Admission Assistance | 

Call 77200 25900 or 77200 81400                   

11th Admissions (FYJC) & DTE Cut-off | Cutoffs 2024 |

We bring you the fastest and most relevant notifications on Bank, Railways, and Government Jobs. Stay Connected 
Join us on WhatsApp https://wa.me/917720025900

| Cutoffs & Opening Closing Ranks => CSAB 2024 | JoSSA 2024 | MHT-CET 2024 | MBA 2024 | Pharmacy 2024 | Polytechnic 2024

--------------------------------------------------------------------------------------------------------------------------------------------------------
 Get free Educational & jobs alerts on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send a WhatsApp message (Your Name, City & Interest)

--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर किंवा* *टेलेग्राम (https://t.me/VidyarthiMitra) 77200 25900 हा मोबाईल नं. सेव्ह करून आपले <नाव> <शहर> <नोकरी/शिक्षण> पाठवा.


Related News


Maharashtra State CET CELL
19th April 2025

JEE Main Cut-Off 2025

Maharashtra State CET CELL
31st December 2024

AFCAT 2025

Maharashtra State CET CELL
21st December 2024

NBEMS DNB Counselling 2024

Maharashtra State CET CELL
3rd December 2024

CAT Answer Key 2024

Maharashtra State CET CELL
26th August 2024

NEET UG Counselling 2024

Maharashtra State CET CELL
22nd March 2024

WBPSC Food SI

Maharashtra State CET CELL
22nd March 2024

IGI Aviation Recruitment

Maharashtra State CET CELL
19th March 2024

IIT-Jodhpur

Maharashtra State CET CELL
17th March 2024

GATE 2024 Result Declared

Maharashtra State CET CELL
8th March 2024

MAH MBA CET 2024 Begins

Maharashtra State CET CELL
9th February 2024

NEET UG 2024 Registration

Maharashtra State CET CELL
21st January 2024

NEET MDS 2024 Exam Postponed

Maharashtra State CET CELL
18th January 2024

CUET PG 2024

Maharashtra State CET CELL
31st December 2021

REET 2022: Exam dates released