केंद्रीय अकरावी प्रवेशांची प्रक्रिया २०२२: अर्जाचा दुसरा भाग भरण्यास सुरूवात

PUBLISH DATE 14th July 2022

केंद्रीय माध्यमिक शिक्षण मंडळाचा (Central Board of Secondary Education, CBSE) दहावीचा निकाल जाहीर झाल्यानंतरच केंद्रीय अकरावी प्रवेशांची प्रक्रिया सुरू होणार असल्याचे माध्यमिक शिक्षण विभागाकडून स्पष्ट करण्यात आले आहे.

‘कट ऑफ’ जाहीर करणे आणि गुणवत्ता यादी जाहीर करण्याची प्रक्रिया ‘सीबीएसई’च्या निकालानंतर जाहीर होईल. मात्र, तीन ते चार दिवसांत विद्यार्थ्यांचा अर्जाचा दुसरा भाग भरण्यास सुरूवात होईल, असेही शिक्षण विभागाकडून स्पष्ट करण्यात आले आहे.

राज्यात १७ जूनला दहावीचा निकाल जाहीर झाला आहे. त्यानंतर पुढील १६ दिवसांत प्रवेश अर्जांचा दुसरा भाग भरण्याची प्रक्रिया सुरू होणे अपेक्षित होते. मात्र, निकाल लागून आता एक महिना होत आला, तरी अद्याप विद्यार्थ्यांना अर्जाचा दुसरा भाग भरण्याची संधी मिळालेली नाही. निकाल लागण्यापूर्वीच विद्यार्थ्यांना अर्जाचा पहिला भाग भरण्यासाठी मुदत दिल्याने जवळपास दीड महिन्यापूर्वी विद्यार्थ्यांनी अर्जाचा पहिला भाग भरला आहे. अर्जाच्या दुसऱ्या भागात विद्यार्थ्यांना मिळालेले गुण, त्यांची प्रवेशाची शाखा, त्यांना अपेक्षित असलेले महाविद्यालय, अशी माहिती भरली जाणार आहे. ही माहिती भरल्याशिवाय प्रत्यक्ष प्रवेशप्रक्रिया सुरू होणार नाही. यामुळे आता विद्यार्थ्यांना प्रवेश घेण्यासाठी ‘सीबीएसई’च्या निकालाची वाट पाहावी लागणार आहे. पुढील तीन ते चार दिवसांमध्ये विद्यार्थ्यांच्या अर्जाचा दुसरा भाग भरण्याची प्रक्रिया सुरू करण्यात येईल, असे माध्यमिक शिक्षण संचलनालयाचे संचालक महेश पालकर यांनी स्पष्ट केले आहे.

‘सीबीएसई’चा दहावीचा निकाल जुलै महिन्याच्या अखेरीस लागण्याची शक्यता आहे. यामुळे ऑगस्टच्या पहिल्या आठवड्यात ‘कट ऑफ’ आणि गुणवत्ता यादी जाहीर होणार आहे. दर वर्षी अकरावीचे शैक्षणिक वर्ष एक ऑगस्टपासून सुरू होते; पण यंदा ‘सीबीएसई’चा निकाल रखडल्याने ही प्रक्रियाही पुढे जाणार असून, ऑगस्टच्या दुसऱ्या आठवड्यात कॉलेज सुरू होण्याची शक्यता आहे.

विद्यार्थी वैतागले
दहावीचा निकाल लागून एक महिना होत आला, तरी अकरावी प्रवेशांची प्रक्रिया रखडल्याने विद्यार्थी आता वैतागले आहेत. अर्जाचा दुसरा भाग भरायला कधी मिळणार, ‘कट ऑफ’ आणि गुणवत्ता यादी जाहीर होऊन प्रवेशप्रक्रिया कधी सुरू होणार, याबाबत शिक्षण विभाग कोणत्याही प्रकारचे स्पष्टीकरण देत नसल्याने विद्यार्थ्यांनी नाराजी व्यक्त केली आहे. लवकरात लवकर ही प्रक्रिया सुरू करावी, अशी मागणी विद्यार्थी आणि पालकांकडून केली जात आहे.

‘सीबीएसई’साठी का थांबायचे?
राज्यात ‘सीबीएसई’द्वारे दहावीची परीक्षा देणाऱ्या विद्यार्थ्यांचा निकाल रखडला आहे. या विद्यार्थ्यांमुळे प्रवेश प्रक्रियाही पुढे गेली आहे. या विद्यार्थ्यांसाठी काही जागा राखीव ठेवून प्रवेश प्रक्रिया का सुरू करत नाही, असा प्रश्न उपस्थित केला जात आहे.

प्रवेश अर्जाचा दुसरा भाग भरण्याची प्रक्रिया तीन ते चार दिवसांत सुरू होईल. प्रत्यक्ष प्रवेश ‘सीबीएसई’च्या निकालानंतर सुरू होतील. विद्यार्थ्यांना अर्जाचा दुसरा भाग भरण्यासंदर्भात सूचना दिल्या जातील. गुणवत्ता यादी आणि ‘कट ऑफ’ सीबीएसई निकालानंतरच जाहीर करावे लागतील अशी प्रतिक्रिया माध्यमिक शिक्षण संचलनालयाचे संचालक महेश पालकर यांनी दिली.

-----------------------------------------------

अखिल भारतीय विद्यार्थी परिषद (ABVP), पश्चिम महाराष्ट्र व विद्यार्थी मित्र (VidyarthiMitra.org)
MHT-CET, JEE, NEET मोफत ऑनलाईन सराव परीक्षा २०२२

१)   NEET- सराव परीक्षा - १५ जुलै २०२२
२)   JEE (Main) - 2022 - सराव परीक्षा - १९ जुलै २०२२
३)   MHT-CET - सराव परीक्षा - PCM- ०६ ऑगस्ट २०२२
सराव परीक्षा- PCB- ०७ ऑगस्ट २०२२

नाव नोंदणी लिंक: Mock Test Registration

1) NEET-Mock Exam- 15th July 2022
2) JEE (Main) - 2022 - Mock Exam- 19 July 2022
3) MHT-CET - Mock Exam- PCM - 06 August 2022
Mock Exam- PCB - 07 August 2022

Mock Test Registration

--------------------------------------------------------------------------------------------------------------------------------------------------------

Admission Guidance 2022: WhatsApp https://wa.me/917720025900

Get real-time alerts and all the news on your phone with the all-new VidyarthiMitra app. Download from Google Play

Aptitude Test | Career Counselling | Option From Filling | Admission Assistance |

Call 77200 25900 or 77200 81400

11th Admissions (FYJC) & DTE Cut-off | Cutoffs 2022 |

We bring you the fastest and relevant notifications on Bank, Railways, and Govt Jobs. Stay Connected
Join us on WhatsApp https://wa.me/917720025900

--------------------------------------------------------------------------------------------------------------------------------------------------------
Get free Educational & jobs alert on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send WHATSAPP message (Your Name, City & Interest)

--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर किंवा* *टेलेग्राम (https://t.me/VidyarthiMitra) हा मोबाईल नं. सेव्ह करून आपले <नाव> <शहराचे नाव> <नोकरी> ७७२०० २५९०० मेसेज पाठवा.