आठ जूनला बारावीचा एचएससी बोर्डाचा निकाल लागला. 'आनंदी आनंद गडे इकडे तिकडे चोहीकडे' असे वातावरण या निकालाने निर्माण केलेले आहे.

सर्व पास झालेल्या विद्यार्थ्यांचे मनापासून अभिनंदन करून आजच्या लेखाला सुरुवात करतो. 'सर्व पास झालेल्या' हा शब्द नीट समजून घ्यायचा आहे. पास झालेल्या कोणत्याही शाखेच्या प्रत्येक मुलासाठी काहीना काहीतरी चांगले करिअर वाट पाहात आहे, याची मनाशी खात्री बाळगावी. बारावी हा एक टप्पा असतो; पण तो निर्णायक नक्कीच नसतो. अकरावी-बारावीच्या कोवळ्या वयात मुलामुलींची मने भरकटतात, अभ्यासातील लक्ष उडते, दिवास्वप्नांमध्ये दोन वर्षे घालवल्याने हाती येणारे मार्क पाहून बहुतेकांचे डोळे उघडतात. अठरा वर्षे संपून आता प्रौढावस्थेमध्ये या मुलांनी प्रवेश केलेला आहे. मनाजोगते मार्क मिळालेले नाहीत त्यांनी एकच ध्येय मनाशी ठेवायला काहीच पंचाईत नाही. दर वर्षी मी किमान दोन आणि जमले तर तीन टक्के मार्क वाढवणार आहे. जेमतेम ५५ टक्के मार्क मिळवून बारावी झालेल्या मुलांनी हे प्रत्यक्षात आणले तर चमत्कार घडतो ना? पदवीला किमान ६३ -६४ टक्के मार्क मिळवून आत्मविश्वास वाढतो. कोणत्याही बारावीनंतर किमान बारा रस्ते उपलब्ध असतात; तसेच कोणत्याही पदवीनंतर आठ-दहा वेगवेगळे छान रस्ते प्रत्येकासाठी उपलब्ध असतात. याची समग्र माहिती गोळा करणाऱ्याच्या मनात कोणतीही शंका राहत नाही.

आता काही सूचना. हातात प्रत्यक्ष मार्कशीट येऊस्तोवर अजून आठ-दहा दिवस लागू शकतात. मात्र, बहुतेक संस्थांची तेरावीची ऑनलाइन प्रवेशाची प्रक्रिया एक-दोन दिवसांतच सुरू होते. उत्तम मार्क मिळवणारी मुले या प्रवेशाच्या मागे न जाता आम्हाला काय इंजिनीयरिंगला जायचे आहे, कॉलेज आणि विषय बदलणारच आहोत, निरनिराळ्या प्रवेश परीक्षा देत आहोत त्यातून काहीतरी मिळेलच या कल्पनेत राहतात. बारावी पास झालेल्या प्रत्येक विद्यार्थ्याने तेरावीसाठी कोणत्या ना कोणत्या तरी संस्थेत ऑनलाइन प्रवेश निश्चित करावा. त्यासाठी किमान रक्कम भरून निश्चिंत व्हावे. कला व वाणिज्य शाखेतील बारावी झालेल्या व ज्यांनी फक्त शाळेला जोडलेल्या ज्युनिअर कॉलेजमधून बारावी पूर्ण केलेली आहे त्यांना हा प्रश्न गांभीर्याने घ्यावा लागतो.

तेरावीसाठी शाखाबदल करून वेगळाच अभ्यासक्रम ज्यांना घ्यायचा आहे त्यांना मॅनेजमेंटमधील बीबीए, बीसीए, बॅचलर्स इन इंटरनॅशनल बिझनेस किंवा फॉरेन ट्रेड असा गट उपलब्ध आहे.

चित्रकलेशी संबंधित ॲनिमेशन, इंटिरियर डेकोरेशन, ग्राफिक डिझाइन,वेब डिझाइन, प्रॉडक्ट डिझाइन, ट्रान्स्पोर्टेशन डिझाइन, फॅशन डिझाइन हे प्रकार उपलब्ध आहेत. बीएफए ही पूर्णपणे 'कमर्शियल आर्ट'मधील पदवीसुद्धा घेता येते. अभ्यास नको असणाऱ्यांना आणि कष्टाची तयारी असेल, तर ट्रॅव्हल टुरिझम, हॉटेल मॅनेजमेंट, लॉजिस्टिक्स, रिटेल मॅनेजमेंट, सेल्स मार्केटिंग यातील अभ्यासक्रम उपलब्ध आहेत. मास कम्युनिकेशन, ललित कला व अनेक प्रकारचे 'बॅचलर इन व्होकेशनल कोर्सेस'सुद्धा प्रत्येक शहरात उपलब्ध आहेत. कायदा, इंजिनीअरिंग, मेडिकल व पॅरामेडिकल, फार्मसी व अॅग्रीकल्चर यांचे प्रवेश प्रवेशपरीक्षांवर आधारित आहेत.

मनाजोगता अभ्यासक्रम निवडण्यासाठी माहिती घेणे, त्यात काम करणारा शोधणे यासाठी येते पंधरा दिवस आहेत. ते पुरेपूर वापरा. त्यासाठी शुभेच्छा.

----------------------------------------------------------------------------------------------------

Admission Guidance 2021: WhatsApp https://wa.me/917720025900

Get real-time alerts and all the news on your phone with the all-new VidyarthiMitra app. Download from Google Play

Aptitude Test | Career Counselling | Option From Filling | Admission Assistance | 

Call 77200 25900 or 77200 81400                   

11th Admissions (FYJC) & DTE Cut-off | Cutoffs 2021 |

We bring you the fastest and relevant notifications on Bank, Railways, and Govt Jobs. Stay Connected 
Join us on WhatsApp https://wa.me/917720025900

| Cutoffs & Opening Closing Ranks => CSAB 2021 | JoSSA 2021 | MHT-CET 2021 | MBA 2021 | Pharmacy 2021 | Polytechnic 2021

--------------------------------------------------------------------------------------------------------------------------------------------------------
 Get free Educational & jobs alert on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send WHATSAPP message (Your Name, City & Interest)

--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर किंवा* *टेलेग्राम (https://t.me/VidyarthiMitra) हा मोबाईल नं. सेव्ह करून आपले <नाव> <शहराचे नाव> <नोकरी> ७७२०० २५९०० मेसेज पाठवा.