Teacher Eligibility Test

Teacher Eligibility Test

शिक्षक पात्रता परीक्षा (टिईटी) उत्तीर्ण न झालेल्या शिक्षकांची सेवा समाप्‍त

PUBLISH DATE 27th December 2019

राज्यातील शाळांमध्ये १३ फेब्रुवारी २०१३ नंतर नियुक्त झाल्यानंतर ३१ मार्च २०१९पूर्वी शिक्षक पात्रता परीक्षा (टिईटी) उत्तीर्ण न झालेल्या शिक्षकांची सेवा समाप्‍त करण्याचे आदेश प्राथमिक शिक्षण संचालनालयाचे संचालक दत्तात्रेय जगताप यांनी गुरूवारी दिले. त्यामुळे अखेर टीईटी अनुत्तीर्णांवर कारवाई होणार असल्याचे स्पष्ट झाले आहे.

टीईटी परीक्षा अनुत्तीर्णांवर कारवाई करण्याचे आदेश राज्य सरकारचे अवर सचिव स्वप्नील कापडणीस यांनी २५ नोव्हेंबरला प्राथमिक शिक्षण संचालनालयास दिले होते. त्यानंतर महिनाभरानंतर जगताप यांनी गुरुवारी संबंधित शिक्षकांची सेवा समाप्‍त करण्याची कार्यवाही करण्याचे आदेश शिक्षण विभागातील अधिकाऱ्यांना दिले आहेत. कापडणीस यांनी २० जूनला राज्याचे आयुक्त विशाल सोळंकी आणि संचालक दत्तात्रेय जगताप यांना राज्यातील सर्व स्थानिक स्वराज्य संस्थांच्या शाळा आणि खासगी शाळांमध्ये कार्यरत टीईटी अनुत्तीर्ण शिक्षकांवर कारवाई करण्याचे आदेश दिले होते. यामध्ये १३ फेब्रुवारीनंतर नियुक्त झालेल्या शिक्षकांनी राष्ट्रीय शिक्षण परिषदेने निश्‍चित केलेली अर्हता ३१ मार्चपर्यंत धारण करणे अनिवार्य होते. मात्र, एका पत्रानुसार केंद्रीय मुष्यबळ विकास मंत्रालयास टीईटी उत्तीर्ण होण्यासाठी अतिरिक्त संधी देण्याबाबत विनंती केली होती. त्यानुसार शिक्षक पात्रता नसलेल्या शिक्षकांना तूर्तास सेवेतून काढू नये, अशा सूचना देण्यात आल्या होत्या. मात्र, ही विनंती अमान्य केल्याचे मनुष्यबळ विकास मंत्रालयाने कळविले होते. यानंतर सरकारने अर्हता नसणाऱ्या शिक्षकांवर २४ ऑगस्टच्या निर्णयानुसार कार्यवाही करावी, असे आदेश दिले होते. मात्र, शिक्षकांवर कारवाई होत नव्हती. अखेर जगताप यांच्या आदेशानुसार संबंधित शिक्षकांवर कारवाई होणार असल्याचे स्पष्ट झाले आहे.

जगताप यांनी महानगरपालिकेचे आयुक्त, जिल्हा परिषदेचे मुख्य कार्यकारी अधिकारी, विभागीय उपसंचालक, प्राथमिक, माध्यमिक शिक्षण विभागाचे शिक्षणाधिकारी यांना कारवाईचे आदेश दिले आहेत. या आदेशानुसार, टीईटी परीक्षा अनुत्तीर्णांच्या सेवासमाप्‍तीचे आदेश द्यावेत. खासगी शिक्षण संस्थांमधील अनुदानित व विनाअनुदानित कर्मचाऱ्यांची सेवा समाप्तीची कार्यवाही संबंधित शैक्षणिक संस्थांनी त्यांच्या स्तरावर करायची आहे, असे स्पष्ट करण्यात आले आहे.

....

अल्पसंख्याक शाळांना दिलासा

न्यायालयाने काही शिक्षकांच्या बाबतीत सेवा समाप्त करू नयेत, असे आदेश यापूर्वी दिले आहेत. त्या शिक्षकांना कारवाईतून वगळण्यात येणार आहे. याशिवाय अल्पसंख्याक शाळांमध्ये कार्यरत शिक्षकांची याचिका सर्वोच्च न्यायालयात प्रलंबित असल्याने निर्णय होईपर्यंत संबंधित शिक्षकांना कारवाईतून वगळण्यात येणार असल्याचे शिक्षण विभागाने सांगितले.

Get real-time alerts and all the news on your phone with the all-new VidyarthiMitra app. Download from Google Play

Aptitude Test | Career Counselling | Option From Filling | Admission Assistance | 

Call 77200 25900 or 77200 81400

11th Admissions (FYJC) & DTE Cut-off | Cutoffs 2020 |

For all latest Govt Jobs 2019Railway JobsBank Jobs and SSC Jobs log on to https://goo.gl/YPjt94 We bring you fastest and relevant notifications on Bank, Railways and Govt Jobs. Stay Connected

| Cutoffs 2020 |

 

| Govt. & Private Jobs, Internships, Campus Drive, Off-campus & many more |

--------------------------------------------------------------------------------------------------------------------------------------------------------
 Get free Educational & jobs alert on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send WHATSAPP message (Your Name, City & Interest)

--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर किंवा* *टेलेग्राम (https://t.me/VidyarthiMitra) हा मोबाईल नं. सेव्ह करून आपले <नाव> <शहराचे नाव> <नोकरी> ७७२०० २५९०० मेसेज पाठवा