Schools

Schools

आरटीई प्रवेश प्रक्रिया २०२२: प्रवेशांसाठी मुदतवाढ

PUBLISH DATE 2nd March 2022

शिक्षण हक्क कायद्याअंतर्गत (RTE) दिल्या जाणाऱ्या २५ टक्के प्रवेशांसाठी पालकांना अर्ज करण्यास मुदतवाढ देण्यात आली आहे.

अद्याप आरटीई प्रवेशांसाठी अर्ज करू न शकलेले पालक आता १० मार्च पर्यंत अर्ज करू शकणार आहेत.

मुदतवाढीसंदर्भात प्राथमिक शिक्षण संचालक दिनकर टेमकर यांनी परिपत्रक काढून माहिती दिली आहे. या परिपत्रकाद्वारे पालकांना आता २८ फेब्रुवारी ऐवजी १० मार्चपर्यंत प्रवेशांसाठी अर्ज करता येणार आहेत. राज्यातील आरटीई प्रवेशांची प्रक्रिया १६ फेब्रुवारीला सुरू झाली होती. परंतु, पुणे जिल्ह्यासह राज्यातील इतर अनेक जिल्ह्यांमध्ये काही शाळांची नोंदणीच पूर्ण न झाल्याने प्रवेश प्रक्रिया २३ ते २४ फेब्रुवारी या दरम्यान सुरू झाली. यामुळे पालकांना अर्ज करण्यासाठी केवळ चार दिवसांचाच कालावधी मिळाला. 'आरटीई'च्या कायद्यानुसार पालकांना अर्ज करण्यासाठी किमान १५ दिवसांचा कालावधी मिळणे अपेक्षित आहे. मात्र, शाळांची नोंदणीच झाली नसल्याने पालकांना हा कालावधी मिळत नव्हता. प्राथमिक शिक्षण विभागाने दिलेल्या पूर्वीच्या मुदतीनुसार सोमवारी आरटीई प्रवेशांसाठी अर्ज करण्याची मुदत संपत होती. याला विद्यार्थी आणि पालक संघटनांनी विरोध केल्यानंतर अखेर प्राथमिक शिक्षण विभागाने आरटीई प्रवेशांची मुदत वाढवून १० मार्चपर्यंत केली आहे. अर्ज करण्यास मुदतवाढ मिळाल्याने पालकांना दिलासा मिळाला असून, अर्ज करण्यासाठी आणखी दहा दिवसांचा अवधी मिळणार आहे.

यंदा आरटीई प्रवेश प्रक्रियेला गेल्या दहा दिवसांमध्येच उत्तुंग प्रतिसाद मिळाल्याचे दिसून आले आहे. आतापर्यंत राज्यात एक लाख ५८ हजार ३२३ अर्ज करण्यात आले आहेत. दिवसागणिक पंधरा हजार अर्ज प्राप्त होत असल्याची माहिती प्राथमिक शिक्षण विभागाने दिली आहे. गेल्या वर्षी सुमारे दोन लाख अर्ज प्राप्त झाले होते. आता दहा दिवस अर्ज करण्याची मुदत वाढल्याने या अर्जांमध्ये लक्षणीय वाढ होईल, असा अंदाज वर्तविण्यात येत आहे.

पुणे जिल्ह्यात २७ हजार ९६८ अर्ज

आरटीई पोर्टलवर पुणे जिल्ह्यातील ९५७ शाळांची नोंदणी पूर्ण झाली असून, त्यामध्ये प्रवेशासाठी १५ हजार १३२ जागा उपलब्ध आहेत. या जागांसाठी आतापर्यंत २७ हजार ९६८ पालकांनी अर्ज केले आहेत. आता अर्ज भरण्यासाठी आणखी दहा दिवस मिळाल्याने १५ हजार जागांसाठी ३५ ते ४० हजार अर्ज दाखल होण्याची शक्यता आहे. त्यामुळे यंदा आरटीई प्रवेशांसाठीची चुरस आणखी वाढणार आहे.

आरटीई प्रवेशांसाठी काही शाळांची नोंदणीची प्रक्रिया पूर्ण न झाल्याने अनेक पालकांना अर्ज करण्यासाठी पुरेसा वेळ मिळालेला नाही. हे लक्षात घेऊन अर्ज करण्याच्या प्रक्रियेला मुदतवाढ देण्यात आली आहे. आता पालकांना १० मार्चपर्यंत अर्ज करता येणे शक्य आहे. त्यानंतर प्रवेशासंदर्भातील पुढील प्रक्रिया सुरू होईल.

- दिनकर टेमकर, संचालक, प्राथमिक शिक्षण विभाग

--------------------------------------------------------------------------------

VidyarthiMitra.org

Admission Guidance 2021: WhatsApp https://wa.me/917720025900

Get real-time alerts and all the news on your phone with the all-new VidyarthiMitra app. Download from Google Play

Aptitude Test | Career Counselling | Option From Filling | Admission Assistance | 

Call 77200 25900 or 77200 81400                   

11th Admissions (FYJC) & DTE Cut-off | Cutoffs 2021 |

We bring you the fastest and relevant notifications on Bank, Railways, and Govt Jobs. Stay Connected 
Join us on WhatsApp https://wa.me/917720025900

| Cutoffs & Opening Closing Ranks => CSAB 2021 | JoSSA 2021 | MHT-CET 2021 | MBA 2021 | Pharmacy 2021 | Polytechnic 2021

--------------------------------------------------------------------------------------------------------------------------------------------------------
 Get free Educational & jobs alert on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send WHATSAPP message (Your Name, City & Interest)

--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर किंवा* *टेलेग्राम (https://t.me/VidyarthiMitra) हा मोबाईल नं. सेव्ह करून आपले <नाव> <शहराचे नाव> <नोकरी> ७७२०० २५९०० मेसेज पाठवा.