Teacher Eligibility Test

Teacher Eligibility Test

अभियोग्यता चाचणीत काही तांत्रिक समस्या?

PUBLISH DATE 15th December 2017

राज्यातील शिक्षक भरतीसाठी घेण्यात येणाऱ्या अभियोग्यता आणि बुद्धिमापन चाचणीला मंगळवारपासून सुरुवात झाली. ही चाचणी सुरळितपणे पार पडली असल्याचा दावा राज्य परीक्षा परिषदेने केला आहे. मात्र, काही केंद्रांवर उमेदवारांना तांत्रिक समस्यांचा सामना करावा लागला. दरम्यान, पहिल्या दिवशी ११ हजार ७४४ विद्यार्थ्यांनी ही परीक्षा दिली.
राज्यातील प्राथमिक, उच्च प्राथमिक, माध्यमिक, उच्च माध्यमिक शाळांमध्ये शिक्षकांच्या भरतीसाठी ही चाचणी घेण्यात येत आहे. राज्यातील सर्व स्थानिक स्वराज्य संस्थांसह खासगी व्यवस्थापनाच्या अनुदानित अंशतः अनुदानित व अनुदानास पात्र घोषित केलेल्या प्राथमिक, उच्च प्राथमिक, माध्यमिक व उच्च माध्यमिक शाळांमधील शिक्षण सेवकांच्या रिक्त पदांवर भरती करताना सर्व उमेदवारांना निवडीची समान संधी मिळावी व शिक्षण सेवक पदासाठी उच्च गुणवत्ताधारक उमेदवारांची निवड व्हावी, यासाठी शिक्षण सेवकांची भरती अभियोग्यता व बुद्धिमत्ता चाचणीच्या आधारे करण्याचा निर्णय शासनाने घेतला आहे.
वेळापत्रकाप्रमाणे पहिल्या दिवशी राज्यातील ६७ केंद्रांवर १३ हजार २७४ विद्यार्थ्यांपैकी ११ हजार ७४४ विद्यार्थ्यांनी ही परीक्षा दिली. पहिल्या सत्रात ८७ टक्के तर दुसऱ्या सत्रात ९० टक्के विद्यार्थी हजर असल्याची माहिती राज्य परीक्षा परिषदेकडून देण्यात आली. विविध तांत्रिक समस्यांमुळे उमेदवारांना काहीसा फटका बसला. काही ठिकाणी सर्व्हर ‘हँग’ झाल्याने विद्यार्थ्यांना परीक्षेस उशीर झाला. तर परीक्षेनंतर आपला स्कोअर बघण्याची सोय असतानाही तो न समजल्याची तक्रार काही विद्यार्थ्यांनी केली. दरम्यान, परीक्षा सुरळित पार पडली असून तांत्रिक गोंधळासंदर्भात कोणतीही तक्रार आलेली नाही, असे राज्य परीक्षा परिषदेकडून सांगण्यात आले.

--------------------------------------------------------------------------------------------------------------------------------------------------------

GET Free Educational Updates (Entrance Exam, Admissions, Jobs & many more...) Alerts on WhatsApp, Send message on 7720025900

--------------------------------------------------------------------------------------------------------------------------------------------------------

'विद्यार्थी मित्र' जॉईन करा आणि मिळवा न्यूज, जॉब, माहिती अगदी विनामूल्य ते ही आपल्या व्हॉटस्अॅपवर. <नाव> <शहराचे नाव> <नोकरी>७७२०० २५९०० मेसेज व्हॉटस्अॅपवर पाठवा

https://goo.gl/YPjt94
--------------------------------------------------------------------------------------------------------------------------------------------------------