Schools

Schools

दहावी-बारावीचे संभाव्य वेळापत्रक जाहीर

PUBLISH DATE 19th September 2017

अफवांवर विश्वास न ठेवण्याचे मंडळाचे आवाहन

महाराष्ट्र राज्य माध्यमिक व उच्च माध्यमिक शिक्षण मंडळातर्फे घेण्यात येणारी बारावीची परीक्षा २१ फेब्रुवारी ते २० मार्च २०१८ दरम्यान होणार आहे. दहावीची परीक्षा एक मार्च ते २४ मार्च दरम्यान होईल, अशी माहिती मंडळातर्फे प्रसिद्धीपत्रकाद्वारे देण्यात आली.
मंडळाचे अध्यक्ष गंगाधर मम्हाणे आणि सचिव कृष्णकुमार पाटील यांनी ही माहिती दिली. परीक्षांचे वेळापत्रक www.mahahsscboard.maharashtra.gov.in या वेबसाइटवर पाहता येईल. मात्र, हे संभाव्य वेळापत्रक असून, परीक्षेपूर्वी शाळा/कनिष्ठ महाविद्यालयांकडे येणाऱ्या अंतिम वेळापत्रकानुसार विद्यार्थ्यांनी परीक्षेच्या तारखांची खातरजमा करून घ्यावी. तसेच सोशल मीडिया किंवा तत्सम कोणत्याही मार्गाने आलेले वेळापत्रक ग्राह्य धरू नये, असे आवाहन मंडळाने केले आहे.
राज्यभरातून लाखो विद्यार्थी ही परीक्षा देतात. त्यामुळे या विद्यार्थ्यांसह पालकांचे लक्ष या परीक्षांच्या तारखा कधी जाहीर होतात, याकडे लागलेले असते. पुणे, नागपूर, औरंगाबाद, मुंबई, कोल्हापूर, अमरावती, नाशिक, लातूर, कोकण या नऊ विभागीय शिक्षण मंडळांतर्गत या परीक्षा घेण्यात येतात.
या परीक्षांसाठी घेण्यात येणाऱ्या प्रात्यक्षिक परीक्षा, श्रेणी परीक्षा, तोंडी व अन्य परीक्षांचे वेळापत्रक स्वतंत्रपणे शाळांना कळविण्यात येणार आहे. मंडळातर्फे जाहीर करण्यात आलेले हे वेळापत्रक संभाव्य वेळापत्रक आहे. या वेळापत्रकाबद्दल कोणलाही काही शंका, हरकत किंवा सूचना असल्यास १५ दिवसांच्या आत संबंधित विभागीय मंडळ किंवा राज्य मंडळाकडे लेखी स्वरूपात हरकत नोंदवावी, असे आवाहन पाटील यांनी केले आहे.

यंदाही विलंब
विद्यार्थ्यांना अभ्यासाचे नियोजन करता यावे, यासाठी शैक्षणिक वर्षाच्या पहिल्याच दिवशी मंडळाच्या परीक्षांची संभाव्य तारीख जाहीर करण्याचा निर्णय मंडळाने पूर्वीच घेतला होता. मात्र, या तारखा विलंबानेच जाहीर केल्या जात आहेत. यंदाही शैक्षणिक वर्ष सुरू झाल्यानंतर तब्बल तीन महिन्यांनी ही तारीख जाहीर करण्यात आली आहे.

उरले १५६ दिवस
सोमवारी जाहीर झालेल्या संभाव्य वेळापत्रकानुसार आता बारावीच्या परीक्षेच्या तयारीसाठी १५६ दिवस विद्यार्थ्यांच्या हाती आहेत. तर दहावीच्या परीक्षेसाठी १६३ दिवसांचा कालावधी विद्यार्थ्यांना मिळाला आहे. त्यानुसार विद्यार्थ्यांना अभ्यासाचे नियोजन करावे लागणार आहे.

 

--------------------------------------------------------------------------------------------------------------------------------------------------------

GET Free Educational Updates (Entrance Exam, Admissions, Jobs & many more...) Alerts on WhtasApp, Send message on 7720025900

--------------------------------------------------------------------------------------------------------------------------------------------------------

'विद्यार्थी मित्र' जॉईन करा आणि मिळवा न्यूज, जॉब, माहिती अगदी विनामूल्य ते ही आपल्या व्हॉटस्अॅपवर. <नाव> <शहराचे नाव> <नोकरी>७७२०० २५९०० मेसेज व्हॉटस्अॅपवर पाठवा

https://goo.gl/YPjt94

--------------------------------------------------------------------------------------------------------------------------------------------------------