Schools

Schools

दहावी, बारावीचे वेळापत्रक जाहीर

PUBLISH DATE 30th November 2017

महाराष्ट्र राज्य माध्यमिक आणि उच्च माध्यमिक शिक्षण मंडळाने इयत्ता दहावी आणि बारावीच्या लेखी परीक्षांचे वेळापत्रक बुधवारी जाहीर केले आहे. दहावीची परीक्षा १ मार्च ते २४ मार्च २०१८ या कालावधीत; तर बारावीची परीक्षा २१ फेब्रुवारी ते २० मार्च २०१८ दरम्यान होणार आहे, अशी माहिती मंडळाचे सचिव कृष्णकुमार पाटील यांनी बुधवारी दिली.
संपूर्ण वेळापत्रक www.mahahsscboard.maharashtra.gov.in या अधिकृत वेबसाइटवर उपलब्ध आहे. बारावीचे अंतिम वेळापत्रक संभाव्य वेळापत्रकाप्रमाणे आहे. तर, दहावीचा केवळ ५ मार्चला होणारा नवीन व्यवसाय विषयाचा पेपर १७ मार्चला होणार असून उर्वरित वेळापत्रक ‘जैस थे’ आहे. महाराष्ट्र राज्य माध्यमिक व उच्च माध्यमिक शिक्षण मंडळातर्फे फेब्रुवारी-मार्च २०१८ मध्ये परीक्षा मुंबई, कोकण, कोल्हापूर, पुणे, नागपूर, औरंगाबाद, अमरावती, नाशिक आणि लातूर या नऊ मंडळातील केंद्रांवर ही परीक्षा घेतली जाणार आहे. सोशल मीडियावरील वेळापत्रकाबाबतच्या अफवांवर विश्वास ठेवू नये, असे आवाहन मंडळाने केले आहे.
प्रात्यक्षिक परीक्षा, श्रेणी, तोंडी परीक्षा व अन्य विषयांचे वेळापत्रक स्वतंत्रपणे परीक्षेपूर्वी मंडळामार्फत शाळा व ज्युनियर कॉलेजांना कळविण्यात येणार आहे. तसेच, यंदा परीक्षा सुरू झाल्यानंतर कोणत्याही परीक्षार्थ्यास परीक्षागृहात प्रवेश दिला जाणार नाही. परीक्षा संपेपर्यंत कोणत्याही परीक्षार्थ्यास परीक्षागृहाच्या बाहेर सोडले जाणार नाही.
गेल्या वर्षी दहावीच्या परीक्षेत परीक्षा सुरू होण्यापूर्वी व्हॉट्सअॅपवरून पेपर व्हायरल होऊन पेपरफुटी झाली होती. यंदा खबरदारी म्हणून दहावी आणि बारावी परीक्षेत व्हॉट्सअॅपवरून पेपरफुटी होऊ नये म्हणून परीक्षा सुरू झाल्यानंतर विद्यार्थ्यांना परीक्षा केंद्रात प्रवेश दिला जाणार नसल्याचे मंडळाने जाहीर केले आहे. तसेच, कॉपी प्रकरणांना आळा घालण्यासाठी संबंधित पेपरचा कालावधी संपल्याशिवाय विद्यार्थ्यांना परीक्षा केंद्राच्या बाहेर पडत येणार नाही, असेही स्पष्ट केले आहे. अशा वेळी काही कारणास्तव परीक्षा केंद्रावर उशिरा पोहोचणाऱ्या विद्यार्थ्यांना परीक्षेला मुकावे लागणार आहे. त्यामुळे या निर्णयाबाबत विद्यार्थी आणि पालकांमधून नाराजी व्यक्त होण्याची शक्यता आहे.

Download PDF Time Table

HSC TIME TABLE FEB 2018 MCVC OLD

HSC TIME TABLE FEB 2018 MCVC NEW

HSC TIME TABLE FEB 2018 GENERAL

SSC TIME TABLE MAR 2018

--------------------------------------------------------------------------------------------------------------------------------------------------------

GET Free Educational Updates (Entrance Exam, Admissions, Jobs & many more...) Alerts on WhatsApp, Send message on 7720025900

--------------------------------------------------------------------------------------------------------------------------------------------------------

'विद्यार्थी मित्र' जॉईन करा आणि मिळवा न्यूज, जॉब, माहिती अगदी विनामूल्य ते ही आपल्या व्हॉटस्अॅपवर. <नाव> <शहराचे नाव> <नोकरी>७७२०० २५९०० मेसेज व्हॉटस्अॅपवर पाठवा