Teacher Eligibility Test

Teacher Eligibility Test

शिक्षण सेवकांना वेतन दिलासा

PUBLISH DATE 17th November 2017

 मुंबई

गेल्या दीड वर्षांपासून विनावेतन काम करणाऱ्या पश्चिम विभागातील शिक्षण सेवकांचा वेतनाचा प्रश्न गुरुवारी अखेर सुटला. याप्रश्नी शिक्षक भारतीच्या वतीने चेंबूर येथील शिक्षक निरीक्षक कार्यालयात आंदोलन करण्यात आल्यानंतर हे वेतन सुरू करण्याचे आश्वासन शिक्षण निरीक्षक मुश्ताक शेख यांनी दिले.

मे २०१२ नंतरच्या ७ हजार शिक्षकांना शिक्षण विभागातर्फे काढून टाकले होते. त्याविरोधात शिक्षक भारतीने अन्यायग्रस्त शिक्षकांना घेऊन मुंबई उच्च न्यायालयात याचिका दाखल केली होती. उच्च न्यायालयाने शिक्षकांच्या बाजून निर्णय देऊन शिक्षकांना सेवा सातत्य देण्याचा आदेश दिला होता. तसेच वेतन सुरू करण्यासही सांगितले होते. परंतु, तीन महिने उलटून गेले तरी चेंबूर शिक्षण निरीक्षक कार्यालयाकडून मान्यता दिली जात नव्हती. मुंबईतील पश्चिम आणि दक्षिण विभागात सेवासातत्याचे आदेश दिले आहेत. त्यामुळे शिक्षक भारतीने गुरुवारी उत्तर विभागाच्या शिक्षण निरीक्षक कार्यालयात अध्यक्ष अशोक बेलसरे यांच्या नेतृत्वाखाली ठिय्या आंदोलन केले. लेखी आश्वासन दिल्याशिवाय आंदोलन मागे न घेण्याचा निर्धार यावेळी शिक्षक भारतीचे प्रमुख कार्यवाह जालिंदर सरोदे यांनी केला.

या आंदोलनात महिला शिक्षिका मोठ्या संख्येने उपस्थित होत्या. २ मे २०१२ नंतरच्या शिक्षण सेवकांना सेवा सातत्य देऊन पगार सुरू करण्याचे लेखी आश्वासन शिक्षण निरीक्षक मुश्ताक शेख यांनी शिक्षक भारतीच्या आंदोलनानंतर दिले आहे, अशी माहिती शिक्षक भारतीचे सुभाष मोरे यांनी दिली.

--------------------------------------------------------------------------------------------------------------------------------------------------------

GET Free Educational Updates (Entrance Exam, Admissions, Jobs & many more...) Alerts on WhatsApp, Send message on 7720025900

--------------------------------------------------------------------------------------------------------------------------------------------------------

'विद्यार्थी मित्र' जॉईन करा आणि मिळवा न्यूज, जॉब, माहिती अगदी विनामूल्य ते ही आपल्या व्हॉटस्अॅपवर. <नाव> <शहराचे नाव> <नोकरी>७७२०० २५९०० मेसेज व्हॉटस्अॅपवर पाठवा

https://goo.gl/YPjt94
--------------------------------------------------------------------------------------------------------------------------------------------------------