Higher Education

Higher Education

'स्पर्धा परीक्षा क्लासवरही निर्बंध आणा'

PUBLISH DATE 19th April 2018

राज्यातील खाजगी शिकवण्या व कोचिंग क्लासेसवर निर्बंध आणण्यासाठी अधिनियम तयार करण्यात येत आहे. यामध्ये लोकसेवा आयोग व इतर स्पर्धा परीक्षा क्लासेसचाही समावेश करावा, अशी सूचना कोचिंग क्लासेसकडून होत आहे. यावर सरकार काय निर्णय घेईल हे अंतिम मसुदा हातात आल्यावरच समजणार आहे. 

खाजगी शिकवणी वर्गावर निर्बंध आणण्यासाठीच्या अधिनयमाचा कच्चा मसूदा तयार करण्यात आला असून त्यावर सूचना मागविण्यात आल्या आहेत. यामध्ये अनेक बदल कोचिंग क्लास चालकांनी सुचविले आहेत. खाजगी क्लासेसची नोंदणी करणे, नोंदणीचे नूतनीकरण करणे, नोंदणी रद्द करणे, अशा विवध कामांसाधही विशेध राज्यस्तरीय उच्चाधिकार समिती असेल, असे मसुद्यात नमूद करण्यात आले आहे. या समितीमध्ये खाजगी क्लासच्या प्रतिनिधींचाही समावेश करावा, अशी सूचना क्लासेसकडून आल्याचे शिक्षण आयुक्तांनी शालेय शिक्षण विभागाच्या प्रधान सचिवांना पत्राद्वारे कळविले आहे. तर खाजगी क्लासमध्ये एका वर्गात ८० पेक्षा जास्त विद्यार्थी असणार नाहीत तसेच पुरेशी जागा असल्यास सक्षम प्राधिकाऱ्यास ही क्षमता १२०पर्यंत वाढविण्याची परवानगी देण्यात येईल, असे मसुद्यात म्हटले आहे. मात्र ही मर्यादा १५० विद्यार्थ्यांपर्यंत वाढविण्यात यावी अशी सूचनाही क्लासधारक करत आहेत. खाजगी शिकवणी वर्गाचे तीन वर्षांतून एकदा मानांकन करण्यात येईल या प्रयोजनासाठी शासन निकष ठरविणार असून किमान निकष पूर्ण करणाऱ्या क्लासेसनाच नोंदणी प्रमाणपत्र दिले जाईल, या सूचनेला क्लास चालकांकडून कडाडून विरोध होत आहे. याचे स्वरूप पूर्णपणे खासगी व व्यावसायिक असल्याने मानांकन ऐच्छिक असावे, अशी सूचनाही क्लासचालक करत आहेत. 

शुल्कावर निर्बंधही नकोत

शुल्कावरील निर्बंधालाही क्लासचालकांचा विरोध आहे. मसुद्यामध्ये शासनाने विहित केलेल्या कार्यपद्धतीनुसार सक्षम प्राधिकरण क्लासने ठरविलेल्या शुल्कास मान्यता देईल तसेच शुल्काबाबत काही विसंगत बाबी आढळल्यास त्यांचे शुल्क वगळण्याबाबत त्यास आदेश देता येतील व त्यानुसार सुधारित शुल्क लागू होईल असेही मसुद्यात नमूद करण्यात आले आहे. मात्र खासगी शिकवणी हा खाजगी व्यवसाय असल्याने व भारतामध्ये व्यवसाय करण्याचे स्वातंत्र असल्याने शुल्कास मान्यता घेण्याचा प्रश्नच येत नाही. यात शासनाचा हस्तक्षेप असू नये, असा युक्तिवाद क्लासचालकांनी केला आहे. यावर मसुदा अंतिम होण्यापूर्वी चर्चा होणार असून त्यानंतरच मसुदा अंतिम केला जाणार आहे. 

म. टा. विशेष प्रतिनिधी, मुंबई 
 

 

 

 

MHT-CET, JEE, NEET      MOCK EXAM REGISTRATION

Read More | NEET UG

Click here Details of All  : Entrance Exams 2018

| Govt. & Private Jobs, Internships, Campus Drive, Off-campus & many more |

--------------------------------------------------------------------------------------------------------------------------------------------------------
 Get free Educational & jobs alert on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send WHATSAPP message (Your Name, City & Interest)

--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर किंवा* *टेलेग्राम (https://t.me/VidyarthiMitra) हा मोबाईल नं. सेव्ह करून आपले <नाव> <शहराचे नाव> <नोकरी> ७७२०० २५९०० मेसेज पाठवा

--------------------------------------------------------------------------------------------------------------------------------------------------------