Teacher Eligibility Test

Teacher Eligibility Test

डी. एड्. पदवीधर शिक्षकांना ज्येष्ठतेनुसार पदोन्नती

PUBLISH DATE 18th December 2017

 

मुंबईसह राज्यातील डी. एड्. पदवीधर शिक्षकांना आवश्यक पात्रता मिळवल्यानंतरही पदोन्नतीपासून दूर राहावे लागत होते. मात्र त्यांची ही तक्रार आता दूर होणार असून, अशा पदवीधर शिक्षकांच्या सेवाज्येष्ठतेत शिक्षण विभागाने सुधारणा केली आहे. ही सुधारित नियमावली शिक्षण विभागाने नुकतीच जाहीर केली.

बी. एड्. पात्रता धारण करणाऱ्या शिक्षकांनाच उपमुख्याध्यापक व मुख्याध्यापकपदावर पदोन्नती देण्यात येत होती. त्यामुळे सेवाज्येष्ठ असलेल्या पदवीधर डी. एड् शिक्षकांवर अन्याय होत होता. त्यामुळे या शिक्षकांमध्ये नाराजीचे वातावरण होते. नव्या नियमावलीमुळे त्यांची नाराजी दूर होणार आहे.

महाराष्ट्र राज्य खासगी शाळेतील कर्मचारी (सेवेच्या शर्ती) नियमावली १९८१ अनुसूची नियम १२ मधील तरतुदीनुसार प्रवर्ग ‘क’मध्ये अंतर्भाव होण्यासाठी सदर प्रवर्गातील विहीत केलेल्या अर्हता धारण करणे आवश्यक होते. या प्रवर्गातील संदिग्ध शैक्षणिक पात्रतेच्या अटींमुळे पदवीधर डी. एड्. शिक्षकांनी आवश्यक पात्रता मिळविल्यानंतरही त्यांना पदोन्नतीपासून दूर राहावे

लागत होते. त्यामुळे यात बदल करण्याच्या मागणीसाठी शिक्षक परिषदेचे शिवनाथ दराडे यांनी शिक्षण विभागाचे

लक्ष वेधले होते.

बी. एड्. पात्रता सर्वप्रथम धारण करणाऱ्यांना पदोन्नतीत प्राधान्य देण्यात येत असल्यामुळे सेवाज्येष्ठ असलेल्या पदवीधर डी. एड्. शिक्षकांवर वर्षानुवर्षे अन्याय होत होता. आवश्यक पात्रता मिळवल्यानंतर अशा शिक्षकांना पदोन्नतीचा लाभ मिळत नव्हता. अनेक न्यायालयीन लढ्यानंतरही शालेय शिक्षण विभागाकडून अशा पदवीधर डी. एड्. शिक्षकांना सेवाज्येष्ठता व पदोन्नती नाकारली जात होती. यासंदर्भात महाराष्ट्र राज्य शिक्षक परिषद आदी संघटनांनी वारंवार पाठपुरावा केल्यानंतर पदवीधर शिक्षकांच्या ज्येष्ठतासूचीबाबत स्पष्टीकरणात्मक आदेश शिक्षण विभागाने काढला आहे.

पदवीधर शिक्षकांची ज्येष्ठता तसेच ज्येष्ठतायादीमध्ये शिक्षकांची ज्येष्ठता कोणत्या तारखेपासून धरावी याचे स्पष्टीकरण या परिपत्रकातून देण्यात आले आहे. त्यानुसार ज्येष्ठतेच्या निकषावर या शिक्षकांना पदोन्नती देण्यात येणार आहे. त्यामुळे शिक्षकांना दिलासा मिळाल्याचे दराडे यांनी सांगितले.

--------------------------------------------------------------------------------------------------------------------------------------------------------

GET Free Educational Updates (Entrance Exam, Admissions, Jobs & many more...) Alerts on WhatsApp, Send message on 7720025900

--------------------------------------------------------------------------------------------------------------------------------------------------------

'विद्यार्थी मित्र' जॉईन करा आणि मिळवा न्यूज, जॉब, माहिती अगदी विनामूल्य ते ही आपल्या व्हॉटस्अॅपवर. <नाव> <शहराचे नाव> <नोकरी>७७२०० २५९०० मेसेज व्हॉटस्अॅपवर पाठवा

https://goo.gl/YPjt94
--------------------------------------------------------------------------------------------------------------------------------------------------------