Higher Education

Higher Education

लष्कराचे पुण्यात होणार लॉ कॉलेज

PUBLISH DATE 1st February 2018

लष्करातील अधिकारी, सैनिक, तसेच त्यांच्या कुटुंबीयांना विधि क्षेत्रातील अद्यावत शिक्षण घेता यावे, यासाठी लष्करातर्फे पुण्याजवळ नवे विधि महाविद्यालय (लॉ कॉलेज) उभारण्यात येणार आहे. त्यासाठी दक्षिण मुख्यालयाने पुढाकार घेतला असून पुण्यापासून सुमारे ५० किलोमीटर अंतरावरील कान्हे येथे हे कॉलेज उभे राहणार आहे. 

या कॉलेजमध्ये बीबीए एलएलबी हा पाच वर्षांचा इंटिग्रेटेड अभ्यासक्रम सुरू होणार आहे. सावित्रीबाई फुले पुणे विद्यापीठाशी संलग्न असलेला हा अभ्यासक्रम २०१८-१९पासून सुरू होईल. सध्या या कॉलेजमध्ये ६० विद्यार्थ्यांना प्रवेश मिळेल. या कॉलेजला मान्यता मिळण्यासाठी राज्य सरकारकडे प्रस्ताव सादर करण्यात आला आहे. राज्य सरकारबरोबरच सावित्रीबाई फुले पुणे विद्यापीठ व बार कौन्सिल ऑफ इंडियाकडेही या संबंधीचा प्रस्ताव पाठविण्यात आला आहे. 

आर्मी वेल्फेअर एज्युकेशन सोसायटीअंतर्गत हे कॉलेज चालविण्यात येईल. आर्मी वेल्फेअर एज्युकेशन सोसायटीचे मुख्यालय दिल्ली येथे आहे. या सोसायटीअंतर्गत देशाच्या विविध भागात व्यावसायिक अभ्यासक्रमांची ११ कॉलेज चालविण्यात येतात. यामध्ये मेडिकल, इंजिनीअरिंग, डेंटल, फॅशन डिझाइन, हॉटेल मॅनेजमेंट, मॅनेजमेंट, नर्सिंग, एज्युकेशन, लॉ आदी कॉलेज व १३७ आर्मी पब्लिक स्कूलचा समावेश आहे. यापैकी तीन कॉलेजना नॅक कडून 'अ'दर्जा देण्यात आला आहे.

Click here Details of All  : Entrance Exams 2018

--------------------------------------------------------------------------------------------------------------------------------------------------------

 Get free Educational & jobs alert on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send WHATSAPP message (Your Name, City & Interest)

--------------------------------------------------------------------------------------------------------------------------------------------------------