Jobs

Jobs

एसटीत मेगा भरती; ८ हजार पदांसाठी २८ हजार अर्ज

PUBLISH DATE 26th November 2017

 

एसटी महामंडळाने यंदा जाहीर केलेल्या मेगाभरतीसाठी मोठ्या प्रमाणात अर्ज आले असले तरी त्यातील उत्तीर्ण उमेदवारांची संख्या कमी असल्याने एसटीची काहीशी निराशा झाली आहे. एसटीमध्ये चालक-कम-कंडक्टर या पदासाठी राज्यभरात घेण्यात आलेल्या परीक्षेतून आतापर्यंत अंतिम ९०० उमेदवारच महामंडळाच्या हाती लागले आहेत. कंडक्टरविना थेट बससेववर भर देण्याचा मानस असलेल्या एसटी महामंडळाने ७ हजार ९२९ चालक-कम-कंडक्टर पदांसाठी अर्ज मागविले होते. एकूण पाच विभागांत पार पडलेल्या परीक्षेत तीन विभागांतून केवळ ९०० उमेदवार उत्तीर्ण झाले असून अन्य दोन विभागांचे निकाल येणे बाकी आहे.

एसटीच्या कर्मचाऱ्यांमध्ये चालक आणि कंडक्टर वर्गातील कर्मचाऱ्यांची संख्या सर्वाधिक आहे. गेल्या काही वर्षांत एसटीमध्ये मोठ्या प्रमाणात भरती झालेली नाही. महामंडळाने यंदा मेगाभरतीचा निर्णय घेत चालक-कम- कंडक्टर या पदाचा त्यात समावेश केला. या ७ हजार ९२९ पदांसाठी राज्यभरातून सुमारे २८ हजार अर्ज आले. एवढा प्रतिसाद मिळाल्याने त्यामुळे पुरेसे चालक कम कंडक्टर एसटीच्या सेवेत येतील, अशी आशा निर्माण झाली होती. परंतु पाचपैकी तीन विभागांतील निकालांचा विचार करता आतापर्यंत एसटीला तितक्या प्रमाणात उमेदवार मिळालेले नाहीत, हे स्पष्ट झाले आहे.

महामंडळाने कार्यपद्धतीत बदल करीत कंडक्टरशिवाय चालणाऱ्या थेट शटल बससेवा चालविण्यास काही वर्षांपासून सुरुवात केली आहे. या सेवेला प्रवाशांचाही चांगला प्रतिसाद मिळाला असून ते सर्वांसाठी सोयीचे ठरत आहे. याप्रकारे साधारण १८०० फेऱ्या चालविल्या जातात. या पदासाठी दहावी पास उत्तीर्ण, अवजड वाहन चालविण्याचा परवाना, वाहन चालविण्याचा अनुभव या अटींचा समावेश होता. मात्र लेखी परीक्षेसाठी पात्र ठरलेल्या २० हजार उमेदवारांमधून तीन विभागांतून केवळ ९०० चालक मिळाल्याने महामंडळाची काहीशी निराशा झाली. यापैकी मुंबई विभागातील १ हजार २९ पदांसाठी घेण्यात आलेल्या परीक्षेअंती केवळ १८८ उमेदवार निवडले गेले आहेत.

सर्वत्र हीच स्थिती

केवळ मुंबईच नव्हे तर रायगड विभागात १ हजार १७ पदांसाठी घेतलेल्या परीक्षेत फक्त ३८७ उमेदवार निवडले गेले. तर, सिंधुदुर्ग विभागात ७६९ पदांसाठी घेतलेल्या परीक्षेत ३२५ उमेदवार उत्तीर्ण झाले. लवकरच रत्नागिरी आणि ठाणे विभागातील निकाल अपेक्षित आहेत.

--------------------------------------------------------------------------------------------------------------------------------------------------------

GET Free Educational Updates (Entrance Exam, Admissions, Jobs & many more...) Alerts on WhatsApp, Send message on 7720025900

--------------------------------------------------------------------------------------------------------------------------------------------------------

'विद्यार्थी मित्र' जॉईन करा आणि मिळवा न्यूज, जॉब, माहिती अगदी विनामूल्य ते ही आपल्या व्हॉटस्अॅपवर. <नाव> <शहराचे नाव> <नोकरी>७७२०० २५९०० मेसेज व्हॉटस्अॅपवर पाठवा

https://goo.gl/YPjt94
--------------------------------------------------------------------------------------------------------------------------------------------------------