Schools

Schools

महाराष्ट्र शिक्षक अभियोग्यता आणि बुद्धिमत्ता चाचणी आज अर्ज करण्याचा शेवटचा दिवस

PUBLISH DATE 22nd November 2017

 

राज्यातील शाळांमध्ये शिक्षणसेवक म्हणून भरती होण्यासाठी उमेदवारांना अभियोग्यता व बुद्धिमत्ता चाचणी (अॅप्टिट्यूड टेस्ट) उत्तीर्ण होणे गरजेचे आहे. मुंबई उच्च न्यायालयाच्या नागपूर खंडपीठाने नुकताच दिलेला अंतरिम निकाल हा केवळ १९ संस्थांच्या शाळांसाठी असून त्याद्वारे विद्यार्थ्यांचे नुकसान होऊ नये, म्हणून तात्पुरते शिक्षक नेमण्यात येणार आहेत. त्यामुळे राज्यातील सर्व शाळांमध्ये शिक्षक भरती ही चाचणीद्वारेच होणार आहे, अशी माहिती महाराष्ट्र राज्य परीक्षा परिषदेच्या अधिकाऱ्यांनी बुधवारी दिली.

महाराष्ट्र राज्य परीक्षा परिषदेने आयोजित केलेल्या पत्रकार परिषदेत अध्यक्ष दत्तात्रय जगताप आणि आयुक्त सुखदेव डेरे यांनी ही माहिती दिली. या वेळी परिषदेचे सहायक आयुक्त सुरेश माळी उपस्थित होते. जगताप म्हणाले, ‘नागपूर खंडपीठाने दिलेला अंतरिम निकाल हा १९ खासगी संस्थांच्या शाळांसाठी आहे. या शाळांकडे विद्यार्थ्यांना शिकविण्यासाठी सध्या पुरेशा प्रमाणात शिक्षकांचे मनुष्यबळ नाही. तसेच, चाचणीद्वारे शिक्षकांची भरती प्रक्रिया होण्यासाठी बराच कालावधी लागणार आहे. त्यामुळे नवी शिक्षक भरती होईपर्यत विद्यार्थ्यांचे नुकसान होण्याची शक्यता आहे. अशा परिस्थितीत संबंधित शाळांना तात्पुरत्या स्वरूपात शिक्षक भरती करता येईल, असा अंतरिम निर्णय खंडपीठाने दिला आहे. याबाबत अंतिम सुनावणी ही येत्या २७ नोव्हेंबरला होणार आहे. या निकालाचा राज्यातील चाचणीद्वारे होणाऱ्या शिक्षक सेवक भरतीवर कोणताही परिणाम होणार नाही. शिक्षण विभागाच्या २३ जून २०१७च्या निर्णयानुसार स्थानिक स्वराज्य संस्थांसह खासगी शैक्षणिक संस्थांतर्गत असलेल्या प्राथमिक, उच्च प्राथमिक, माध्यमिक आणि उच्च माध्यमिक शाळांमधील शिक्षकांची भरती करण्यात येणार आहे. त्यामुळे चाचणी देणाऱ्यांनी येत्या २१ तारखेपर्यंत www.mahapariksha.gov.in या वेबसाइटवर जाऊन चाचणीसाठी ऑनलाइन पद्धतीने नोंदणी करावी.’

दरम्यान, बुधवारी सायंकाळपर्यत एक लाख ७ हजार उमेदवारांनी नोंदणी केली असून सुमारे ७० हजार उमेदवारांनी नोंदणीची प्रक्रिया पूर्ण केली आहे. ही संख्या प्रत्येक मिनिटाला वाढत आहे. चाचणीसाठी नोंदणी करताना उमेदवारांना त्रास होऊ नये, म्हणून ऑनलाइन अर्ज भरण्याचा व्हिडिओ वेबसाइटवर टाकण्यात आला आहे. ही चाचणी १२ ते २१ डिसेंबर कालावधीत होणार आहे. चाचणी देण्यासाठी अर्हता, परीक्षेचे वेळापत्रक आणि इतर बाबींची माहिती वेबसाइटवर प्रकाशित करण्यात आली आहे, असे डेरे यांनी सांगितले.

 रिक्त जागांची माहिती संचमान्यतेनंतर
राज्यात इयत्ता पहिली ते बारावीपर्यतच्या शाळांमध्ये सुमारे २५ ते ३० हजार शिक्षकांच्या जागा रिक्त असण्याची माहिती आहे. याबाबत अधिकृत माहिती संचमान्यता झाल्यानंतर मिळणार आहे. संचमान्यतेनंतर नेमक्या शिक्षकांच्या रिक्त जागांची माहिती होणार आहे. मात्र, या सर्व जागांवर नियुक्ती ही चाचणीमधून पात्र झालेल्या उमेदवारांना मिळणार आहे. त्यामुळे इच्छुक उमेदवारांनी संभ्रम दूर करून चाचणी द्यावी, असे जगताप यांनी सांगितले.

 

शिक्षक अभियोग्यता व बुद्धिमत्ता चाचणी

शैक्षणिक व व्यावासाहिक अहर्ता, पात्रता, अंतिम तारिख, प्रवेश शुल्क, निवडीचे निकष, शिक्षक अभियोग्यता व बुद्धिमत्ता चाचणी, अभ्यासक्रम इत्यादि...  अधिक महिती https://goo.gl/D4snzc

 


--------------------------------------------------------------------------------------------------------------------------------------------------------

GET Free Educational Updates (Entrance Exam, Admissions, Jobs & many more...) Alerts on WhatsApp, Send message on 7720025900

--------------------------------------------------------------------------------------------------------------------------------------------------------

'विद्यार्थी मित्र' जॉईन करा आणि मिळवा न्यूज, जॉब, माहिती अगदी विनामूल्य ते ही आपल्या व्हॉटस्अॅपवर. <नाव> <शहराचे नाव> <नोकरी>७७२०० २५९०० मेसेज व्हॉटस्अॅपवर पाठवा

https://goo.gl/YPjt94