Schools

Schools

मुख्याध्यापकांचे अधिवेशन शिर्डीत

PUBLISH DATE 25th October 2017

अखिल महाराष्ट्र माध्यमिक व उच्च माध्यमिक शाळा मुख्याध्यापक संयुक्त महामंडळाचे ५७वे शैक्षणिक राज्यस्तरीय अधिवेशन येत्या शुक्रवारपासून शिर्डी येथे सुरू होणार आहे. तीन दिवस चालणाऱ्या या अधिवेशनात मुख्याध्यापकांच्या विविध समस्या, अडचणी, अध्यापनातील दोष व त्यावरील उपाययोजना आदीवर चर्चा होणार आहे.

महामंडळाचे संस्थापक रावसाहेब आवारी यांनी पत्रकार परिषदेत ही माहिती दिली. संमेलनाध्यक्ष आबासाहेब जंगले, सचिव नंदकुमार बारवकर, उपाध्यक्ष प्रमोद नेमाडे, कार्याध्यक्ष के. एम. ढोमसे, सचिव राजेश गायकवाड आदी या वेळी उपस्थित होते.

अधिवेशनाच्या उद्‍‍घाटनाला मुख्यमंत्री देवेंद्र फडणवीस, केंद्रीय मनुष्यबळ विकास मंत्री प्रकाश जावडेकर, शालेय शिक्षण मंत्री विनोद तावडे, जलसंधारण मंत्री राम शिंदे, विरोधी पक्षनेते राधाकृष्ण विखे पाटील, साई संस्थानचे अध्यक्ष सुरेश हावरे आदींना आमंत्रित करण्यात आले आहे. शिक्षण खात्यातील अधिकारी व शिक्षण तज्ज्ञही उपस्थित रहाणार आहेत.

‘तीन दिवसीय अधिवेशनात ऑनलाइन माहिती व नोंदी भरण्यातील अडचणी, दोष, समस्या व उपाय योजना, प्रचलित मूल्यमापनाची कार्यपद्धती व अंमलबजावणीतील दोष, अडचणी व उपाययोजना, अशैक्षणिक कामे, विविध दिन विशेष व उपक्रमांचे अध्ययन अध्यापनावर होणारे परिणाम व उपाययोजना या विषयांवर निवडक निबंधांचे सादरीकरण व चर्चा होणार आहे,’ अशी माहिती आवारी यांनी दिली.

‘अधिवेशनासाठी सरकारची मान्यता घेण्यात आली आहे. शिक्षक आमदार, शिक्षण संचालक, राज्य शिक्षण मंडळाचे अध्यक्ष व प्रतिनिधी, विद्या प्राधिकरणाचे संचालक, ‘बालभारती’चे संचालक आदी या अधिवेशनाला उपस्थित राहतील. आमच्या २३ प्रलंबित मागण्यांचे निवेदन शिक्षण मंत्री विनोद तावडे यांच्याकडे देण्यात आले आहे. या अधिवेशनाला किमान अडीच ते तीन हजार मुख्याध्यापक उपस्थित राहतील,’ असे नेमाडे म्हणाले.

 

--------------------------------------------------------------------------------------------------------------------------------------------------------

GET Free Educational Updates (Entrance Exam, Admissions, Jobs & many more...) Alerts on WhatsApp, Send message on 7720025900

--------------------------------------------------------------------------------------------------------------------------------------------------------

'विद्यार्थी मित्र' जॉईन करा आणि मिळवा न्यूज, जॉब, माहिती अगदी विनामूल्य ते ही आपल्या व्हॉटस्अॅपवर. <नाव> <शहराचे नाव> <नोकरी>७७२०० २५९०० मेसेज व्हॉटस्अॅपवर पाठवा

https://goo.gl/YPjt94

--------------------------------------------------------------------------------------------------------------------------------------------------------