Jobs

Jobs

बँकिंग परीक्षेचे नियोजन

PUBLISH DATE 24th May 2018

भारतात करिअर म्हणून इंजिनीअरिंग आणि मेडिकलनंतर तरुणाईचा सर्वाधिक ओढा असतो तो बँकिंग क्षेत्राकडे. यासाठीची महत्त्वाची परीक्षा म्हणून एसबीआय बँक परीक्षेकडे पाहिले जाते. अलिकडेच या परीक्षेतील प्रश्नांसाठी असलेली वेळमर्यादा बदलण्यात आली आहे. अशा वेळी परीक्षेत काय फरक जाणवेल, वेळेचे नियोजन कसे करता येईल, हे आज जाणून घेऊ.

भारतातील सर्वांत मोठ्या भरतींपैकी एक असलेल्या स्टेट बँक ऑफ इंडियाच्या (एसबीआय) प्रोबेशनरी ऑफिसर पदासाठीची भरतीपरीक्षा जवळ आली आहे. जुलै व ऑगस्टमध्ये होणाऱ्या अनुक्रमे पूर्व परीक्षा व मुख्य परीक्षेचा पॅटर्न बदलण्यात आला आहे. या परीक्षेसाठी 'एसबीआय'ने प्रश्नांच्या विभागानुसार वेळ ठरवून दिली असून, उमेदवारांना प्रत्येक विभागातील प्रश्न सोडवण्यासाठी वेळेचे बंधन असणार आहे. त्यामुळे वेळेच्या आधी जरी एखाद्या विभागातील प्रश्न सोडवून पूर्ण झाले असतील, तरी त्या विभागासाठी ठरवून दिलेल्या वेळेपर्यंत उमेदवाराला थांबावे लागणार आहे व त्यानंतरच पुढच्या विभागातील प्रश्नांकडे वळता येणार आहे.

नव्या नियमानुसार, इंग्रजी विभागातील ३० प्रश्नांसाठी २० मिनिटे, तर बुद्धिमत्ता व तर्कशुद्धता चाचणी (रिझनिंग अबिलिटी) विभागातील ३५ प्रश्नांसाठी २० मिनिटे देण्यात आली आहेत. याआधी अनेक उमेदवार जास्तीत जास्त वेळ बुद्धिमत्ता व तर्कशुद्धता चाचणीसाठी द्यायचे; परंतु आता प्रत्येक विभागाला स्वतंत्र परीक्षेप्रमाणे समान वेळ द्यावी लागणार आहे. इंग्रजी विषय यावेळी निर्णायक ठरणार असून, यात मिळवलेले जास्तीत जास्त गुण एकूण टक्के वाढवण्यासाठी मदत करतील. नवीन पॅटर्ननुसार विभागीय कटऑफ रद्द करण्यात आली आहे.

वेळेचे नियोजन कसे कराल?

प्रत्येक विभागासाठी दिलेली वेळमर्यादा बघता इंग्रजी विभागातील प्रत्येक प्रश्नासाठी ०.६७ मिनिटे, तर इतर विभागांतील प्रश्नांसाठी ०.५७ मिनिट वेळ देता येईल. सुरुवातीला सोपे प्रश्न सोडवत हळुहळू कठीण प्रश्नांवर लक्ष केंद्रीत करावे. एखादा प्रश्न जास्त वेळ घेत असेल, तर प्रयत्न करण्यापेक्षा तो प्रश्न सोडून देणे उचित होईल.

संकलन : प्रथमेश राणे

Read More | NEET UG

Click here Details of All  : Entrance Exams 2018

| Govt. & Private Jobs, Internships, Campus Drive, Off-campus & many more |

--------------------------------------------------------------------------------------------------------------------------------------------------------
 Get free Educational & jobs alert on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send WHATSAPP message (Your Name, City & Interest)

--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर किंवा* *टेलेग्राम (https://t.me/VidyarthiMitra) हा मोबाईल नं. सेव्ह करून आपले <नाव> <शहराचे नाव> <नोकरी> ७७२०० २५९०० मेसेज पाठवा

--------------------------------------------------------------------------------------------------------------------------------------------------------