आतापर्यंत पाचवी आणि आठवीच्या विद्यार्थ्यांसाठी ऐच्छिक असलेली शिष्यवृत्ती परीक्षा ठाणे महापालिकेने सर्वच विद्यार्थ्यांसाठी बंधनकारक करण्याचा निर्णय घेतला आहे.
भविष्यातील स्पर्धात्मक परीक्षेसाठी पालिका विद्यार्थ्यांनी तयार व्हावे, यासाठी हा निर्णय घेण्यात आला असून तो नव्या वर्षीपासून लागू होणार आहे. त्यासाठी विद्यार्थ्यांना प्रशिक्षण दिले जाणार असून याचा सर्व खर्च ठाणे महापालिका उचलणार आहे.
दहावी, बारावी किंवा स्पर्धा परीक्षा ही 'ऑब्जेक्टिव्ह' प्रश्नांवर अधिक बेतलेली असते. पाचवी आणि आठवीतील शिष्यवृती परीक्षांमध्येही अशा पर्यायी प्रश्नांचा समावेश असतो. त्यामुळे या परीक्षा विद्यार्थ्यांसाठी मार्गदर्शक ठरतात. याचाच विचार करत ठाणे महापालिकेच्या शिक्षण विभागाने शिष्यवृत्ती परीक्षा सर्वच विद्यार्थ्यांसाठी बंधनकारक केली आहे. पाचवी आणि आठवीच्या शिष्यवृत्ती परीक्षेत पहिल्या पेपरमध्ये भाषा आणि गणित तर दुसऱ्या पेपरमध्ये तृतीय भाषा आणि बुद्धिमत्ता चाचणी आणि त्या वर्गाच्या अभ्यासक्रमांचा समावेश असतो. त्यामुळे या शिष्यवृत्तीच्या परीक्षा विद्यार्थ्यांसाठी खूप उपयुक्त ठरतात. महापालिकेच्या शाळांमध्ये सहसा शिष्यवृत्ती परीक्षेसाठी अनेक वेळा बुद्धिमत्ता चाचणीबाबत धडे दिले जात नाहीत. शिवाय महापालिकेत येणारा विद्यार्थी हा सर्वसामान्य कुटुंबातील असल्यामुळे शिष्यवृत्तीसारख्या परीक्षेत उत्तीर्ण होण्यासाठी तो खासगी क्लास लावू शकत नसल्यामुळे त्याला शाळांमधील शिक्षकांवरच विसंबून रहावे लागते. यासाठी विद्यार्थ्यांना विशेष प्रशिक्षण दिले जाणार आहे.
ठाणे महापालिकेच्या अखत्यारित ११९ शाळांमध्ये २८ हजार ८४२ विद्यार्थी शिक्षण घेत आहेत. तर, महापालिकेतर्फे बालवाडी ते आठवीपर्यंतच्या मराठी, इंग्रजी, हिंदी, गुजराती आणि उर्दू माध्यमाच्या शाळा चालविल्या जातात. पाचवी आणि आठवीमध्ये सुमारे आठ हजार विद्यार्थी शिक्षण घेत आहेत. या विद्यार्थ्यांचा शिष्यवृत्ती परीक्षेचे शुल्क महापालिका उचलणार असून त्यांना विशेष प्रशिक्षणही देण्यात येणार आहे. या योजनेच्या माध्यमातून मनपाच्या विद्यार्थ्यांना अधिक 'स्मार्ट' करण्याचा प्रयत्न केला जात आहे.
भविष्यात महापालिकेचा विद्यार्थी स्पर्धा परीक्षेसाठीही सक्षम झाला पाहिजे, यासाठी येत्या वर्षीपासून ही शिष्यवृत्ती परीक्षा महापालिकेच्या पाचवी आणि आठवीच्या सर्वच विद्यार्थ्यांसाठी लागू केली आहे. परीक्षेसाठी येणारा खर्च हा महापालिकाच उचलणार आहे.
Get real-time alerts and all the news on your phone with the all-new VidyarthiMitra app. Download from Google Play
Aptitude Test | Career Counselling | Option From Filling | Admission Assistance |
Call 77200 25900 or 77200 81400
11th Admissions (FYJC) & DTE Cut-off | Cutoffs 2020 |
For all latest Govt Jobs 2019, Railway Jobs, Bank Jobs and SSC Jobs log on to https://goo.gl/YPjt94 We bring you fastest and relevant notifications on Bank, Railways and Govt Jobs. Stay Connected
--------------------------------------------------------------------------------------------------------------------------------------------------------
Get free Educational & jobs alert on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send WHATSAPP message (Your Name, City & Interest)
--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर किंवा* *टेलेग्राम (https://t.me/VidyarthiMitra) हा मोबाईल नं. सेव्ह करून आपले <नाव> <शहराचे नाव> <नोकरी> ७७२०० २५९०० मेसेज पाठवा
-----------------------------------------------------------------------------