Schools

Schools

दहावीच्या बारावी परीक्षेबाबत: अपवादात्मक स्थितीत सूट

PUBLISH DATE 5th December 2017


दहावीच्या परीक्षेबाबत शिक्षण मंडळाचे स्पष्टीकरण


मोबाइलवरील पेपरफुटी रोखण्यासाठी कडक पाऊल उचलताना राज्य शिक्षण मंडळाने एक मिनीटही उशिरा येणाऱ्या विद्यार्थ्यांना परीक्षा केंद्रात प्रवेश न देण्याचा निर्णय नुकताच जाहीर केला होता. यावरून वादंग उठल्यानंतर अपवादात्मक स्थितीत विद्यार्थ्यांना सूट देण्याचे मंडळाने सोमवारी जाहीर केले. तसेच विद्यार्थ्यांना परीक्षा केंद्रावर १०.३० वाजता पोहोचण्याची सूचना करण्यात आली असून, अपवादात्मक कारणाशिवाय ११ नंतर प्रवेश दिला जाणार नसल्याचे नव्याने स्पष्ट करण्यात आले आहे.

राज्य शिक्षण मंडळाकडून घेण्यात येणाऱ्या दहावी आणि बारावीच्या परीक्षेत व्हॉटस्अॅपवरून पेपर फुटल्याची बाब गेल्यावर्षी उघडकीस आली होती. याची गंभीर दखल घेताना मंडळाने एक समिती गठीत केली होती. या समितीने दिलेल्या अहवालानुसार, परीक्षा केंद्रावर उशिरा पोहोचणाऱ्या विद्यार्थ्यांना प्रवेश न देण्याचा निर्णय काही दिवसांपूर्वी जाहीर केला होता. त्याचप्रमाणे परीक्षा संपेपर्यंत परीक्षा केंद्रातच बसण्याची सक्ती केली होती. या निर्णयाला अनेक विद्यार्थी आणि शिक्षक संघटनांनी विरोध केल्यानंतर मंडळाने याबाबत नवे स्पष्टीकरण दिले आहे.

सध्याच्या प्रचलित परीक्षा पद्धतीनुसार विद्यार्थ्यांना १०.३० वाजता प्रवेश दिला जातो. १०.४० मिनिटांनी त्यांना उत्तरपत्रिकांचे वाटप करण्यात येते, तर १०.५० वाजता प्रश्नपत्रिक दिल्या जातात. उत्तरपत्रिका लिहिण्यासाठी ११ वाजता सुरुवात होते.

आता विद्यार्थ्यांनी १०.३० पर्यंत परीक्षा केंद्रात हजर राहण्याची सूचना मंडळाने केली आहे. त्यानंतरही ११ पर्यंत येणाऱ्या विद्यार्थ्यांना प्रवेश दिला जाईल; परंतु त्यानंतर प्रवेश मिळवण्यासाठी तितकेच व्यवहार्य कारण असणे आवश्यक असल्याचे मंडळाने म्हटले आहे.

अखेरपर्यंत बसावेच लागेल

परीक्षा संपेपर्यंत विद्यार्थ्यांना परीक्षा केंद्राबाहेर पडता येणार नाही, असे मंडळाने यापूर्वी म्हटले होते. हा नियम आताही कायम ठेवण्यात आला आहे. परीक्षा सुरू झाल्यानंतर तातडीचे कारण, आपत्कालीन स्थिती वगळता विद्यार्थ्यांना परीक्षागृहाबाहेर जाण्यास परवानगी नसल्याचा पुनरुच्चार मंडळाने केला आहे.

--------------------------------------------------------------------------------------------------------------------------------------------------------

GET Free Educational Updates (Entrance Exam, Admissions, Jobs & many more...) Alerts on WhatsApp, Send message on 7720025900

--------------------------------------------------------------------------------------------------------------------------------------------------------

'विद्यार्थी मित्र' जॉईन करा आणि मिळवा न्यूज, जॉब, माहिती अगदी विनामूल्य ते ही आपल्या व्हॉटस्अॅपवर. <नाव> <शहराचे नाव> <नोकरी>७७२०० २५९०० मेसेज व्हॉटस्अॅपवर पाठवा

--------------------------------------------------------------------------------------------------------------------------------------------------------

GET Free Educational Updates (Entrance Exam, Admissions, Jobs & many more...) Alerts on WhatsApp, Send message on 7720025900

--------------------------------------------------------------------------------------------------------------------------------------------------------

'विद्यार्थी मित्र' जॉईन करा आणि मिळवा न्यूज, जॉब, माहिती अगदी विनामूल्य ते ही आपल्या व्हॉटस्अॅपवर. <नाव> <शहराचे नाव> <नोकरी>७७२०० २५९०० मेसेज व्हॉटस्अॅपवर पाठवा

https://goo.gl/YPjt94
--------------------------------------------------------------------------------------------------------------------------------------------------------


--------------------------------------------------------------------------------------------------------------------------------------------------------