Higher Education

Higher Education

'राष्ट्रीय उच्च शिक्षण अभियाना' अंतर्गत (रुसा) नवे उपक्रम

PUBLISH DATE 29th May 2018

रुसा'अंतर्गत 'निधी'बळ; देशभरातील ७५० कॉलेजांचा समावेश

देशभरातील उच्च शिक्षणाचा चेहरामोहरा बदलण्यासाठी केंद्रीय मनुष्यबळ विकास मंत्रालयाने 'राष्ट्रीय उच्च शिक्षण अभियाना' अंतर्गत (रुसा) नवे उपक्रम राबविण्यास सुरुवात केली आहे. यानुसार देशभरातील ७५० कॉलेजांसाठी कोट्यवधी रुपयांच्या निधीची घोषणा नुकतीच करण्यात आली असून, मुंबईतील स्वायत्तता दर्जाप्राप्त झेवियर्स कॉलेजला ५५ कोटींचा निधी प्रस्तावित करण्यात आला आहे. देशभरातील सहा स्वायत्त कॉलेजांना 'रुसा'अंतर्गत ५५ कोटींचा निधी देण्यात येणार आहे.

'राष्ट्रीय उच्च शिक्षण अभियान' अंतर्गत शिक्षणसंस्थांना चॅलेंज लेव्हल फंडिंग (सीएलएफ) देण्यासंदर्भात महत्त्वपूर्ण बैठक नुकतीच नवी दिल्ली येथे पार पडली. या बैठकीत राज्यांकडून आलेल्या प्रस्तावांवर चर्चा केल्यानंतर वरील निधी जाहीर करण्यात आला असून, अनुदानित आणि सरकारी कॉलेजांना तो देण्यात येणार आहे. स्वायत्त कॉलेजांना शिक्षणाचा दर्जा सुधारण्यासाठी, क्लस्टर विद्यापीठांसाठी, विद्यापीठांमध्ये पायाभूत सुविधांची वाढ करण्यासाठी, न्यू मॉडेल कॉलेजे सुरू करण्यासाठी, पदवी अभ्यासक्रमांचे रूपांतर मॉडेल डिग्री कॉलेज सुरू करण्यासाठी आणि नवीन कॉलेजांच्या उभारणीसह इतर अनेक बाबींकरिता हा निधी आहे.

पायाभूत सुविधा वाढवण्यासाठी २ कोटींचा निधी मंजूर झालेल्या कॉलेजांमध्ये महाराष्ट्रातील १२ कॉलेजांचा समावेश असून, प्रामुख्याने मुंबई, पुणे, अमरावती आणि नागपूर येथील संस्थांचा समावेश आहे. मुंबईतील सिडनहॅम कॉलेज, नागीनदास खंडेलवाल कॉलेज आणि विठ्ठलदास ठाकरसी कॉलेज ऑफ होम सायन्स यांना हा निधी जाहीर करण्यात आला आहे. नंदुरबार, उस्मानाबाद, गडचिरोली आणि वाशिम याठिकाणी नवीन व्यावसायिक कॉलेजांसाठी निधी जाहीर करण्यात आला आहे. एसएनडीटी विद्यापीठालाही यंदा निधी जाहीर झाला असून, 'रुसा'च्या या निर्णयाचे मुंबई विद्यापीठाचे सिनेट सदस्य वैभव नरवडे यांनी स्वागत केले आहे.

'रुसा'मार्फत येणारा फंड हा विद्यापीठांचे होणारे अपग्रेडेशन, स्वायत्त कॉलेजांमधील विकास पायाभूत सुविधा, सरकारी अनुदानित कॉलेजांमधील उपक्रम आदींसाठी वापरला जाणार हे स्वागतार्ह आहे. परंतु, ज्यांना शासनाकडून एकही रुपया मिळत नाही अशा विनाअनुदानित कॉलेजांसाठीही निधीची तरतूद करणे आवश्यक आहे, असे नरवडे म्हणाले. अशा कॉलेजांतील कर्मचाऱ्यांची आर्थिक स्थती ही त्या कॉलेजांच्या आर्थिक स्थतीशी निगडित असते. त्यामुळे त्यांचा पाया बळकट करणे गरजेचे असल्याचे मतही त्यांनी व्यक्त केले.

पुणे विद्यापीठाला १०० कोटींचा निधी

पुणे विद्यापीठालाही शिक्षणाचा दर्जा सुधारण्यासाठी आणि 'एक्सेलन्स' मिळविण्यासाठी सुमारे १०० कोटींचा निधी प्रस्तावित करण्यात आला आहे.

Click here Details of All  : Entrance Exams 2018

| Govt. & Private Jobs, Internships, Campus Drive, Off-campus & many more |

--------------------------------------------------------------------------------------------------------------------------------------------------------
 Get free Educational & jobs alert on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send WHATSAPP message (Your Name, City & Interest)

--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर किंवा* *टेलेग्राम (https://t.me/VidyarthiMitra) हा मोबाईल नं. सेव्ह करून आपले <नाव> <शहराचे नाव> <नोकरी> ७७२०० २५९०० मेसेज पाठवा

--------------------------------------------------------------------------------------------------------------------------------------------------------