Schools

Schools

प्रज्ञाशोध परीक्षा लांबणीवर ?

PUBLISH DATE 23rd September 2017

महाराष्ट्र राज्य परीक्षा परिषदेचे आयुक्त सुखदेव डेरे वैद्यकीय कारणास्तव महिनाभर सुटीवर गेले आहेत; तर सहायक आयुक्त राजेश क्षीरसागर यांची बदली झाल्याने परीक्षा परिषदेचे कामकाज कोलमडून गेले आहे. त्यामुळे राष्ट्रीय शैक्षणिक संशोधन व प्रशिक्षण परिषदेमार्फत (एनसीईआरटी) दहावीच्या विद्यार्थ्यांसाठी घेण्यात येणाऱ्या राष्ट्रीय प्रज्ञाशोध परीक्षेसाठी यंदा २० सप्टेंबरपासून अर्ज भरण्याला सुरुवात झाली आहे. त्यामुळे दर वर्षी नोव्हेंबरमध्ये घेण्यात येणारी राज्यस्तरावरील प्रज्ञाशोध परीक्षा लांबणीवर पडण्याची शक्यता आहे.


दहावीच्या प्रज्ञावान विद्यार्थ्यांचा शोध घेऊन त्यांना सर्वोत्तम शिक्षण मिळण्याच्या दृष्टीने आर्थिक साहाय्य करावे. तसेच, विद्यार्थ्यांनी आपली विद्याशाखा आणि देश यांची सेवा करावी, या उद्देशाने एनसीईआरटीकडून दहावीच्या विद्यार्थ्यांसाठी राष्ट्रीय प्रज्ञाशोध परीक्षा घेण्यात येते. परीक्षा उत्तीर्ण होणाऱ्या विद्यार्थ्यांना पीएचडीपर्यंत दर महिन्याला शिष्यवृत्ती देण्यात येते. यामध्ये अकरावी आणि बारावीसाठी १ हजार २५० रुपये, पदवी तसेच पदव्युत्तर पदवीसाठी प्रतिमहिना २ हजार रुपये; तर पीएचडीच्या चार वर्षांसाठी विद्यापीठ अनुदान आयोगाच्या नियमानुसार शिष्यवृत्ती प्रदान करण्यात येते.
दहावीत शिकणारा किंवा सतरा नंबरचा फॉर्म भरून परीक्षा देणारा विद्यार्थी ज्याचे वय १८ वर्षांपेक्षा कमी असेल, असे कोणीही ही परीक्षा देऊ शकतात. ही परीक्षा राज्यस्तर आणि राष्ट्रीयस्तर अशा दोन स्तरांवर घेण्यात येते. महाराष्ट्रातील ३६६ विद्यार्थी राष्ट्रीयस्तर परीक्षेसाठी पात्र होतात. या परीक्षेसाठी ऑगस्टच्या पहिल्या आठवड्यात अर्ज भरण्यास सुरुवात होणे अपेक्षित होते. मात्र, सप्टेंबर महिन्यातील तिसरा आठवडा उजाडल्यावर म्हणजेच २० सप्टेंबरपासून https://nts.mscescholarshipexam.in या वेबसाइटहून अर्ज भरण्यास सुरुवात झाली आहे. विद्यार्थ्यांना शाळांमार्फत अति विलंब शुल्कासह २० ऑक्टोबरपर्यंत अर्ज भरता येणार आहे. त्यामुळे परिषदेला राज्यस्तरावर ५ नोव्हेंबर २०१७ ला होणारी प्रज्ञाशोध परीक्षा पुढे ढकलावी लागण्याची शक्यता निर्माण झाली आहे. तर, राष्ट्रीयस्तरावरील परीक्षा १३ मे २०१८ रोजी घेण्यात येणार आहे. दरम्यान, काही तांत्रिक कारणास्तव प्रज्ञाशोध परीक्षेसाठी ऑगस्ट महिन्याच्या पहिल्या आठवड्यात भरण्यात येणारे अर्ज आतापर्यंत भरण्यास सुरुवात झाली नाही. बुधवारपासून अर्ज भरण्यास सुरुवात झाली आहे. त्यामुळे परीक्षा परिषदेकडे कालावधी उपलब्ध असून परीक्षा वेळेतच घेण्याचा प्रयत्न करण्यात येईल, असे परिषदेच्या अधिकाऱ्यांनी सांगितले.

--------------------------------------------------------------------------------------------------------------------------------------------------------

GET Free Educational Updates (Entrance Exam, Admissions, Jobs & many more...) Alerts on WhtasApp, Send message on 7720025900

--------------------------------------------------------------------------------------------------------------------------------------------------------

'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर. <नाव> <शहराचे नाव> <नोकरी>७७२०० २५९०० मेसेज व्हॉटस्अॅपवर पाठवा

https://goo.gl/YPjt94

--------------------------------------------------------------------------------------------------------------------------------------------------------