Civil Services

Civil Services

MPSC Exam: एमपीएससी निकाल जाहीर

PUBLISH DATE 15th February 2019

महाराष्ट्र लोकसेवा आयोगाने (एमपीएससी) २०१८ मध्ये घेतलेल्या राज्यसेवा मुख्य परीक्षेचा निकाल जाहीर केला असून, त्यात बार्शीचा (जि. सोलापूर) आशिष बारकुल राज्यातून पहिला क्रमांक येण्याचा बहुमान प्राप्त केला आह. सोलापूर जिल्ह्यातील महेश जमदाडे मागासवर्ग प्रवर्गातून; तर महिला प्रवर्गातून पुणे जिल्ह्यातून स्वाती दाभाडे या पहिल्या क्रमांकाने उत्तीर्ण झाल्या आहेत.

एमपीएससीने गुरुवारी रात्री उशिरा निकाल जाहीर केला. एमपीएससीने १३६ पदांसाठी गेल्या वर्षी ऑगस्ट महिन्यात मुख्य परीक्षा; तर त्यानंतर काही दिवसांनी मुलाखत घेण्यात आली होती. मुख्य परीक्षेसाठी २३८१ उमेदवार पात्र ठरले होते. लेखी परीक्षेच्या आधारे एकूण ४२७ उमेदवार मुलाखतीसाठी पात्र ठरले होते. परीक्षेतून उत्तीर्ण होणारे उपजिल्हाधिकारी, पोलिस उपअधीक्षक, नायब तहसीलदार आदी वर्ग एकच्या पदासाठी पात्र ठरले आहे. आशिष बारकुल हा बार्शीचा रहिवासी असून, त्याने शासकीय अभियांत्रिकी कॉलेज, पुणे (सीओईपी) येथून यंत्र अभियांत्रिकीमध्ये शिक्षण पूर्ण केले आहे. पुण्यात स्पर्धा परीक्षांची तयारी करत होता. आशिषची आई शिक्षिका आहे; तर वडिल लिपीक म्हणून निवृत्त झाले आहेत. परीक्षेत सुमित शिंदे दुसऱ्या क्रमांकाने; तर पोपट ओमासे चौथ्या आणि सखाराम मुळे पाचव्या क्रमांकाने उत्तीर्ण झाले आहेत. 

अनुसूचित जातीमधून पुण्यातील दर्शन निकाळजे राज्यात प्रथम आला आहे. दर्शन हा धनकवडीतील मोहननगर येथील रहिवासी आहे. दर्शनने यंत्र अभियांत्रिकी शाखेतून २०१६ मध्ये इंजिनीअरिंगचे शिक्षण पूर्ण केले आहे. यापूर्वी झालेल्या परीक्षेत त्याने पोलिस उपनिरीक्षक पदावर बाजी मारली होती; तर यंदाच्या निकालात तो प्रथम आला आहे. दर्शनची आई शाळेत शिपाई पदावर कार्यरत असून, त्याला एक बहीण आहे. दर्शनने हलाखीच्या परिस्थितीतही कष्टाने हे य़श संपादन केले आहे. पोपटने भटक्या जमाती (ड) प्रवर्गातूनही पहिला येण्याचा मान प्राप्त केला आहे. पोपटने प्रतिकूल परिस्थितीतून हे य़श प्राप्त केले होते. 

हालाखीच्या परिस्थितीतही स्वातीने मिळविले यश 
स्वाती पुणे जिल्ह्यातील तळेगाव दाभाडे येथील रहिवासी असून, तिच्या घरची परिस्थिती अत्यंत हलाखीची आहे. स्वातीचे वडील शेतकरी आहे. स्वातीने इयत्ता बारावीनंतर साधारण चार वर्षांसाठी शिक्षण सोडले होते. या काळात घरातील व्यक्ती तिच्या लग्नासाठी आग्रही होते. मात्र, तिने पदवीपर्यंतचे शिक्षण पूर्ण करून २०१७ सालामध्ये राज्यसेवा परीक्षा दिली. स्वाती तिच्या घरातील पहिली पदवीधर आहे. या परीक्षेतून तिची निवड नायब तहसीलदार म्हणून झाली होती; मात्र स्वातीने पुन्हा गेल्या वर्षी राज्यसेवा परीक्षा देत राज्यात महिलांमधून प्रथम येण्याचा बहुमान प्राप्त केला आहे. तिच्या यशाबद्दल कौतुकाचा वर्षाव होत आहे. 


बार्शी तालुक्यातील कासारवाडी येथील जिल्हा परिषद शाळेच्या शिक्षिका सुनंदा बारकुल आणि शिवाजी महाविद्यालयातील निवृत्त अकाउंटन्ट नरहरी बारकुल यांचा मुलगा आहे. बार्शीतील महाराष्ट्र विद्यालयात दहावीपर्यंतचे शिक्षण घेतल्यानंतर लातूर येथील शाहू महाविद्यालयात बारावीपर्यंतचे शिक्षण घेतल्यानंतर पुणे येथील शासकिय अभियांत्रिकी महाविद्यालय, पुणे (सीओईपी) येथून त्याने यंत्र अभियांत्रिकीमध्ये शिक्षण घेतले. यापूर्वी एमपीएसीच्या परीक्षेतून त्याची मुख्याधिकारीपदी निवड झाली होती. त्याने एका खासगी कंपनीतही एक वर्षे नोकरी केली; मात्र मित्रांच्या सहवासामुळे स्पर्धा परीक्षेची तयारी केली. यूपीएससी परीक्षेत चारवेळा प्रयत्न केले. अखेर त्याने ९०० पैकी ५७८ गुण मिळवून हे यश संपादन केले आहे. 

'२०१२ पासून यूपीएससीची तयारी करत होतो. चार वेळा परीक्षा दिल्या; पण यश मिळाले नाही. नंतर राज्यसेवेची परीक्षा दिली. २०१७ मध्ये मुख्याधिकारीपदी निवड झाली. पुन्हा प्रयत्न केला आणि आता उपजिल्हाधिकारीपदी निवड झाली आहे. राज्यात पहिला आल्याने खूप आनंद झाला आहे.' 
- आशिष बारकुल 


नाव - गुण - सर्वसाधारण क्रमवारी 
........... 
आशिष बारकुल - ५७८ - पहिला 
महेश जमदाडे - ५७१ - दुसरा 
सुमित शिंदे - ५६८ - तिसरा 
पोपट ओमासे - ५६६ - चौथा 
सखारा मुळे - ५६५ - पाचवा 

Click to View| Upcoming Entrance Exams

India's Leading Educational Web Portal now available on Google play store                 https://goo.gl/HbsLr2
 

Check FYJC & ALL COURSES UNDER DTE & DMER - Previous & Current Year Cutoff |  http://vidyarthimitra.org/rank_predictor

OR

Download App Now : Cut-offs 2019

-------------------------------------------------------------------------------------------------------------------------------------------------------
 Get free Educational & jobs alert on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send WHATSAPP message (Your Name, City & Interest)

--------------------------------------------------------------------------------------------------------------------------------------------------------