Law Admissions 2019-20

Law Admissions 2019-20

‘लॉ’साठी हवेत ४० गुण

PUBLISH DATE 20th December 2017

सावित्रीबाई फुले पुणे विद्यापीठामधून कायद्याचे शिक्षण घेणाऱ्या विद्यार्थ्यांना उत्तीर्ण होण्यासाठी किमान ४० टक्के गुण मिळवावे लागणार आहेत. पदवीच्या अभ्यासक्रमांसाठी प्रत्येक विषयात तसेच सर्व विषयांत मिळून किमान ४० टक्के गुण मिळविणाऱ्या विद्यार्थ्यांनाच उत्तीर्ण घोषित केले जाईल. त्यामुळे प्रत्येक विषयात किमान ३५ व एकूण किमान ५० टक्क्यांची अट आता रद्द झाली आहे.
सावित्रीबाई फुले पुणे विद्यापीठाच्या विद्यापरिषदेच्या (अॅकॅडमिक कौन्सिल) मंगळवारी झालेल्या बैठकीत हा निर्णय घेण्यात आला. या बैठकीत सामरिकशास्त्र विभागात नवा अभ्यासक्रम सुरू करणे तसेच काही अभ्यासक्रमांमध्ये वस्तू व सेवा कराचा (जीएसटी) अंतर्भाव करण्याच्या निर्णयालाही मान्यता देण्यात आली.
उत्तीर्ण होण्यासाठीच्या अटीत बदल करण्याच्या निर्णयामुळे विधी विद्याशाखेत शिकणाऱ्या आणि प्रवेशासाठी इच्छुक असणाऱ्या विद्यार्थ्यांना दिलासा मि‍ळाला आहे. विधी विद्याशाखेच्या तीन आणि पाच वर्षांच्या अभ्यासक्रमांमध्ये उत्तीर्ण होणाऱ्यांचे प्रमाण केवळ आठ ते दहा टक्क्यांदरम्यान आहे. हे प्रमाण सीएच्या परीक्षेत उत्तीर्ण होणाऱ्यांच्या प्रमाणापेक्षा कमी आहे. त्यामुळेच विद्यार्थी पदव्युत्तर पदवी (मास्टर्स) अभ्यासक्रमाला जात नाही अथवा वकिली करत नाहीत, असे चित्र आहे. त्यामुळे उत्तीर्ण होण्याची टक्केवारी ही ४० टक्के करावी, अशी विद्यार्थ्यांची मागणी दीर्घ काळापासून प्रलंबित होती. पूर्वीच्या अटींमुळे अनेक विद्यार्थी प्रत्येक विषयात उत्तीर्ण व्हायचे. मात्र, एकूण गुणांची (अॅग्रिगेट) टक्केवारी ५० इतकी नसल्याने त्यांना अनुत्तीर्ण घोषित केले जात होते. बार कौन्सिलच्या नियमांची पाहणी करून हा निर्णय घेण्यात आला आहे.

अभ्यासक्रमात जीएसटीचा अंतर्भाव
सावित्रीबाई फुले पुणे विद्यापीठाच्या एमबीए व एम कॉम अभ्यासक्रमांमध्ये आता वस्तू व सेवा कर (जीएसटी) या विषयाचाही अंतर्भाव होणार आहे. तर पुढील शैक्षणिक वर्षापासून डिप्लोमा इन टॅक्सेशन लॉ अभ्यासक्रमातही जीएसटीचा समावेश करण्याचा निर्णय विद्यापरिषदेत घेण्यात आला.

राष्ट्रीय सुरक्षेविषयी नवा अभ्यासक्रम
सावित्रीबाई फुले पुणे विद्यापीठाच्या संरक्षण आणि सामरिकशास्त्र (डिफेन्स अँड स्ट्रॅटेजिक स्टडीज्) विभागात नवा अभ्यासक्रम सुरू होणार आहे. सन २०१८-१९ या शैक्षणिक वर्षापासून ‘डिप्लोमा इन डिझास्टर मॅनेजमेंट अँड नॅशनल सिक्युरिटी’ या विषयावरील पदविका अभ्यासक्रम सुरू करण्यास विद्यापरिषदेने मान्यता दिली.

--------------------------------------------------------------------------------------------------------------------------------------------------------

GET Free Educational Updates (Entrance Exam, Admissions, Jobs & many more...) Alerts on WhatsApp OR Telegram (https://t.me/VidyarthiMitra) , Send message on 7720025900

--------------------------------------------------------------------------------------------------------------------------------------------------------

'विद्यार्थी मित्र' जॉईन करा आणि मिळवा न्यूज, जॉब, माहिती अगदी विनामूल्य ते ही आपल्या व्हॉटस्अॅपवर किंवा टेलेग्राम (https://t.me/VidyarthiMitra) <नाव> <शहराचे नाव> <नोकरी>७७२०० २५९०० मेसेज व्हॉटस्अॅपवर पाठवा

https://goo.gl/YPjt94
--------------------------------------------------------------------------------------------------------------------------------------------------------