Schools

Schools

मराठी शाळांत इंग्रजी माध्यम

PUBLISH DATE 20th November 2017

मुंबई

विद्यार्थी गळतीमुळे काही महिन्यांपूर्वी बंद पडलेल्या महापालिकेच्या ३५ शाळांमध्ये पुन्हा विद्यार्थ्यांची किलबिल ऐकायला येणार आहे. मात्र ही किलबिल मराठीत नसेल तर जॉनी जॉनी येस पापाचे सूर आता ऐकू येणार आहेत. इंग्रजी माध्यमाच्या या शाळा असून त्या खासगी संस्थांना चालवण्यास देण्यात येणार आहेत. शाळांमध्ये शिक्षक, शिक्षकेतर कर्मचाऱ्यांची नियुक्ती संस्थेला करावी लागणार आहे. शाळेचे व्यवस्थापन संबधित संस्थेला करावे लागणार असून शाळा इमारतीची देखभाल, दुरुस्ती पालिका करणार आहे.

विद्यार्थ्यांची पुरेशी संख्या नसल्याने काही महिन्यांपूर्वी पालिकेने मराठी माध्यमाच्या ३५ शाळा बंद करण्याचा निर्णय घेतला होता. सार्वजनिक लोक सहभाग कार्यक्रमांतर्गत खासगी संस्थांच्या शिक्षकांसह संपूर्ण व्यवस्थापन धोरणानुसार या शाळा खासगी संस्थांना चालवण्यासाठी देण्यात येणार आहेत. या शाळा कोणत्याही बोर्डाशी संलग्न असतील.

बंद पडलेल्या मराठी शाळांमध्ये खासगी सेमी इंग्लिश आणि मुंबई पब्लिक स्कूलचे वर्ग भरवले जाणार आहेत. मात्र विद्यार्थ्यांकडून कोणत्याही प्रकारचे शुल्क आकारण्यात येणार नसल्याचे मुंबई महापालिकेने स्पष्ट केले आहे. या शाळांमध्ये शिशु वर्ग व इयत्ता पहिली ते आठवीपर्यंत दारिद्र्यरेषेखालील शिधापत्रिकाधारक कुटुंबांतील मुलांना प्रवेश देताना प्राधान्य दिले जाणार आहे.

शाळा खासगी संस्थांना चालवण्यास देण्याच्या प्रस्तावाला स्थायी व शिक्षण समितीची मंजुरी मिळाली असून लवकरच पालिका सभागृहाच्या मंजुरीसाठी हा प्रस्ताव मांडण्यात येणार आहे. संबंधित शाळा खासगी संस्थेला सध्या असलेल्या स्थितीत चालवण्यासाठी देण्यात येणार असून इमारतीची आवश्यक ती दुरुस्ती पालिका करणार आहे.

पालिका शाळेतील विद्यार्थ्यांना दिल्या जाणाऱ्या २७ विनामूल्य वस्तू खासगी शाळांतील विद्यार्थ्यांनाही दिल्या जाणार आहेत. शाळा इमारतीचे भाडे, वीज-पाणी बील पालिका भरणार असून शाळेचे मुख्याध्यापक व सुरक्षारक्षक पालिकेचा राहणार आहे.

या अटी बंधनकारक

संस्थेची मागील तीन वर्षांची उलाढाल पाच कोटीपर्यंत आवश्यक

शैक्षणिक क्षेत्रातील पाच वर्षांचा अनुभव बंधनकारक

संस्था नोंदणी अधिनियमानुसार पाच वर्षांपासून नोंदणीकृत असावी

कार्पोरेट संस्थेशी संलग्न संस्था किंवा तज्ज्ञांच्या संयुक्त सहकार्याने सादर केलेल्या अर्जास प्राधान्य

अशी असतील बंधने

संस्थेला शिक्षण हक्क कायद्यातील तरतुदींचे पालन करावे लागणार

विद्यार्थ्यांना मोफत शिक्षण कायद्यानुसार प्रवेश प्रक्रिया

शैक्षणिक कामाव्यतिरिक्त शाळेची जागा वापरता येणार नाही

किरकोळ दुरुस्तीची कामे स्वखर्चाने करावी

शिक्षक-शिक्षकेतर कर्मचाऱ्यांच्या वेतनाची जबाबदारी संस्थेवर

--------------------------------------------------------------------------------------------------------------------------------------------------------

GET Free Educational Updates (Entrance Exam, Admissions, Jobs & many more...) Alerts on WhatsApp, Send message on 7720025900

--------------------------------------------------------------------------------------------------------------------------------------------------------

'विद्यार्थी मित्र' जॉईन करा आणि मिळवा न्यूज, जॉब, माहिती अगदी विनामूल्य ते ही आपल्या व्हॉटस्अॅपवर. <नाव> <शहराचे नाव> <नोकरी>७७२०० २५९०० मेसेज व्हॉटस्अॅपवर पाठवा

https://goo.gl/YPjt94
--------------------------------------------------------------------------------------------------------------------------------------------------------