DTE Admissions 2019-20

DTE Admissions 2019-20

इंजिनीअरिंग, फार्मसी, एमबीए प्रवेशावेळीच जात पडताळणी प्रमाणपत्र सादर करण्याची अट

PUBLISH DATE 12th June 2018

  • प्रवेशावेळीच जात पडताळणी प्रमाणपत्र सादर करण्याची अट
  • एवढ्या कमी वेळेत प्रमाणपत्र सादर करणार कसे, विद्यार्थी चिंतेत
  • राज्यभरातील इंजिनीअरिंग, फार्मसी, एमबीएच्या प्रवेशांवर प्रश्नचिन्ह

मुंबईसह राज्यभरातील इंजिनीअरिंग, फार्मसी, एमबीए यांसारख्या व्यावसायिक अभ्यासक्रमांच्या प्रवेशाच्या प्रतीक्षेत असलेल्या हजारो विद्यार्थ्यांचे प्रवेश धोक्यात आले आहेत. राज्य सरकारचे प्रवेश नियामक प्राधिकरण आणि सीईटीने सेल यांनी जाहीर केलेल्या प्रवेशाच्या नियमावलीनुसार, यंदापासून विद्यार्थ्यांना प्रवेश घेतानाच जातपडताळणी प्रमाणपत्र सादर करणे बंधनकारक असणार आहे. मर्यादित दिवसांत प्रमाणपत्र सादर करायचे कसे, हा पेच विद्यार्थ्यांसमोर उभा राहिला आहे.

राज्यातील व्यवसायिक आणि इतर अभ्यासक्रमांच्या प्रवेशप्रक्रिया सध्या सुरू आहेत. या प्रवेशांकरिता संचलनालयाने विद्यार्थ्यांना शैक्षणिक कागदपत्रे सादर करताना त्यांच्या पडताळणीची अट घातली आहे. आतापर्यंत प्रवेश झाल्यानंतरही हे प्रमाणपत्र स्वीकारण्यात येत होते. यंदा मात्र प्रवेशाच्यावेळीच ही अट घातली आहे. मात्र जात पडताळणी प्रमाणपत्र मिळविण्याची प्रक्रिया किचकट असल्याने उपलब्ध वेळेत प्रमाणपत्र आणायचे कसे, असा प्रश्न मागासवर्गीय विद्यार्थ्यांसमोर उभा राहिला आहे. ऑनलाइन अर्ज भरताना जात पडताळणी प्रमाणपत्रासंदर्भातील रकाना पूर्ण भरेपर्यंत अर्जप्रक्रिया पूर्ण होत नसल्याने अनेक अर्ज बाद होत असल्याचा अनुभव विद्यार्थ्यांना येत आहे. त्यामुळे इच्छुक विद्यार्थी प्रवेशासाठीच अपात्र ठरत आहेत.

या जाचक प्रक्रियेमुळे अनेक मागासवर्गीय विद्यार्थी सरकारी लाभांपासून वंचित राहणार असून त्यांचे शैक्षणिक नुकसान होत असल्याचा दावा विद्यार्थी संघटनांनी केला आहे. आर्टस, कॉमर्स अभ्यासक्रमांच्या विद्यार्थ्यांना यात प्रामुख्याने फटका बसत असल्याची तक्रार आहे.

सर्वोच्च न्यायालयाच्या निकालानुसार

सर्वोच्च न्यायालयाने गेल्या वर्षी मेडिकल प्रवेशासंबंधी एका याचिकेदरम्यान जात पडताळणी प्रमाणपत्र प्रवेशावेळीच सादर करण्याची सूचना केली होती. प्रवेश नियामक प्राधिकरणाने न्यायालयाच्या या निर्णयाच्या अंमलबजावणीची सूचना केल्याची माहिती उच्च शिक्षण विभागातील सूत्रांनी दिली. यासंदर्भात सीईटी सेलचे प्रमुख आनंद रायते यांच्याशी संपर्क साधण्याचा प्रयत्न केला असता, संपर्क होऊ शकला नाही.

विद्यार्थी संघटना आक्रमक

जात पडताळणी प्रमाणपत्राच्या निर्णयाविरोधात विद्यार्थी संघटनांनी आक्रमक पवित्रा धारण केला आहे. या निर्णयामुळे हजारो विद्यार्थ्यांचे शैक्षणिक नुकसान होणार असल्याने सरकारने त्यात शिथिलता आणावी, अशी मागणी युवासेना आणि अखिल भारतीय विद्यार्थी परिषदेने सोमवारी केली. या संघटनांच्या शिष्टमंडळाने या प्रश्नी तंत्रशिक्षण संचनालयाचे संचालक डॉ. अभय वाघ यांची भेट घेतली. युवा सेनेच्या शिष्टमंडळात प्रदीप सावंत, शशिकांत झोरे, तर अभाविपच्या शिष्टमंडळात अनिकेत ओव्हाळ यांचा समावेश होता.

इंजिनीरिंग व फार्मसीला अॅडमिशन घेणाऱ्या विद्यार्थ्यांसाठी संपूर्ण महाराष्ट्रातील कॉलेजेस यादी एका क्लिकवर गुणवत्ता यादी क्रमांक (SML), कास्ट कॅटेगरी, कोणत्या शहरात, कोणत्या युनिवर्सिटी अॅडमिशन पाहिजे, त्याचबरोबर प्राधान्य क्रम किंवा पसंतीक्रम अशा अनेक ३०० पेक्षा ही जास्त ऑपशनची यादी बाबींना पडताळून शास्त्रशुद्ध पद्धतीने http://vidyarthimitra.org/rank_predictor या पोर्टलवर  उपलब्ध आहे.

  

Image result for click here gif http://fyjc.vidyarthimitra.org/

| Govt. & Private Jobs, Internships, Campus Drive, Off-campus & many more |

--------------------------------------------------------------------------------------------------------------------------------------------------------
 Get free Educational & jobs alert on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send WHATSAPP message (Your Name, City & Interest)

--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर किंवा* *टेलेग्राम (https://t.me/VidyarthiMitra) हा मोबाईल नं. सेव्ह करून आपले <नाव> <शहराचे नाव> <नोकरी> ७७२०० २५९०० मेसेज पाठवा

--------------------------------------------------------------------------------------------------------------------------------------------------------