Schools

Schools

बेस्ट ऑफ लक; आज बारावीची परीक्षा

PUBLISH DATE 21st February 2018

महाराष्ट्र राज्य माध्यमिक व उच्च माध्यमिक शिक्षण मंडळाची बारावीची परीक्षा आज, बुधवारपासून सुरू होत आहे. राज्यभरातून तब्बल १४ लाख ८५ हजार १३२ विद्यार्थी ही परीक्षा देणार आहेत. यंदाची परीक्षा कॉपीमुक्त होण्यासाठी बोर्डातर्फे विविध उपाययोजना करण्यात आल्या आहेत. तसेच यंदापासून पहिल्यांदाच उत्तरपत्रिका व पुरवण्यांच्या प्रत्येक पानावर बारकोड छापण्यात येणार आहे, अशी माहिती बोर्डातर्फे देण्यात आली. मुंबई विभागातून तीन लाख ३० हजार ८२३ विद्यार्थी ही परीक्षा देणार आहेत. 

गेल्या वर्षी झालेल्या इयत्ता बारावीच्या परीक्षेच्या वेळी व्हॉट्सअपच्या माध्यमातून पेपरफुटीचा प्रकार समोर आला होता. त्या पार्श्वभूमीवर पेपरफुटीच्या चौकशीसंदर्भात एक समितीही नेमण्यात आली. या समितीनेच पेपरफुटीसंदर्भात काही उपाययोजनांची शिफारस केली आहे. यातील काही शिफारसी यंदाच्या परीक्षेपासून अंमलात आणल्या जाणार आहेत. प्रश्नपत्रिका अधिक व्यक्तींकडून हाताळल्या गेल्यास पेपर फुटण्याची शक्यता असते. त्यामुळेच प्रश्नपत्रिकांचे गठ्ठे केंद्रप्रमुखांच्या कक्षात न फोडता थेट वर्गात नेले जाणार आहेत. तिथे दोन परीक्षार्थी विद्यार्थ्यांच्या साक्षीने पर्यवेक्षकाकडून हा गठ्ठा फोडण्यात येईल. त्यामुळे प्रश्नपत्रिका गोपनीय राहण्यास मदत होईल. तसेच २५ प्रश्नपत्रिकांचा एक संच करण्यात येणार आहे, यामुळे एका वर्गात २५ विद्यार्थीच बसवले जाणार आहेत. 

आसन व्यवस्थेसाठी धावपळ

या वर्षीपासून एका वर्गात २५ विद्यार्थीच बसविण्याचा निर्णय बोर्डाने घेतला आहे. यामुळे अनेक परीक्षा केंद्रांवर आसन व्यवस्थेसाठी धावपळ सुरू आहे. काही परीक्षा केंद्रांवर सर्व वर्गखोल्या वापरूनही दिलेल्या विद्यार्थ्यांची आसनव्यवस्था करणे अवघड होत आहे. यामुळे अनेक शाळा याबाबत बोर्डावर नाराज आहेत. काही शाळांमध्ये ४० विद्यार्थी बसतील, एवढ्या वर्गाची सोय आहे. मात्र केवळ २५चा नियम असल्यामुळे त्यांना उर्वरित वर्ग रिकामा ठेवावा लागणार असल्याचे मुंबई मुख्याध्यापक संघाचे सचिव प्रशांत रेडीज यांनी सांगितले. यामुळे अनेक केंद्रप्रमुखांना आसन व्यवस्थेसाठी आयत्यावेळी धावपळ करावी लागत आहेत. दरम्यान, शाळांची ही धावपळ पाहता मंडळाने जास्त विद्यार्थी बसविण्याची मुभा दिली आहे. 

गैरमार्गाशी लढा 

संपूर्ण राज्यासाठी 'एक नियोजनबद्ध गैरमार्गाशी लढा' हे अभियान आयोजित करण्यात आले आहे. यासाठी राज्यात २५२ भरारी पथके नेमण्यात आली आहेत. शिवाय प्रत्येक जिल्ह्यात जिल्हाधिकारी यांच्या अध्यक्षतेखाली दक्षता समित्या स्थापन करण्यात आल्या आहेत. शासकीय अधिकारी यांच्या परीक्षा केंद्रांना आकस्मिक भेटी व परीक्षा केंद्राच्या परिसरातचे व्हिडीओ चित्रिकरण आदी उपायायोजना करण्यात आल्या आहेत. इंग्रजी, गणित अशा महत्त्वाच्या पेपर्सच्या दिवशी बैठे पथक कार्यान्वित असणार आहे. पर्यवेक्षकांना परीक्षा केंद्रात मोबाइल बंदी करण्यात आली आहे. 

विद्यार्थी संख्येचा तपशील 

शाखा - विद्यार्थी संख्या 

विज्ञान - ५,८०,८२० 

कला - ४,७९,८६३ 

वाणिज्य - ३,६६,७५६ 

व्होकेशनल - ५७,६९३ 

'मटा लाइव्ह'वर शंकानिरसन 

मुंबई बोर्डाचे डॉ. सचिव डॉ. सुभाष बोरसे यांच्याकडून मार्गदर्शन 

म. टा. विशेष प्रतिनधी, मुंबई 

बारावीची परीक्षा आज, बुधवारपासून तर १ मार्चपासून दहावीची परीक्षा सुरू होणार आहे. या पार्श्वभूमीवर विद्यार्थ्यांच्या मनातील प्रश्नांची उत्तरे देण्यासाठी 'महाराष्ट्र टाइम्स'ने बुधवारी बोर्डाच्या मुंबई विभागाचे सचिव डॉ. सुभाष बोरसे यांचे फेसबुक लाइव्ह केले. यामध्ये सहभागी होऊन शेकडो विद्यार्थ्यांनी आपल्या मनातील शंकांचे निरसन करून घेतले. डॉ. बोरसे यांनी केलेल्या काही महत्त्वपूर्ण सूचना. 

- परीक्षेच्या कालावधी विद्यार्थ्यांनी कोणतेही नकारात्मक विचार करू नये. परीक्षेच्या भीतीने मानसिक दडपणाखाली असलेल्या विद्यार्थ्यांना नैराश्यातून बाहेर काढण्यासाठी राज्य मंडळाने ऑनलाइन समुपदेशन करण्यासाठी समुपदेशकांची नियुक्ती केली आहे. 

- परीक्षा केंद्रावर साधे घड्याळ नेण्यास परवानगी आहे. डिजिटल घड्याळ नेऊ नये. 

- उत्तरपत्रिका निळा व काळ्या शाईच्या बॉलपेनने लिहावी. 

- परीक्षा केंद्रात केवळ बोर्डाने दिलेल्या अधिकृत लॉगबूकची परवानगी असेल. 

- परीक्षा केंद्रावर सकाळी ११नंतर प्रवेश दिला जाणार नाही. विद्यार्थ्यांना अर्धातास पूर्वी केंद्रात सोडले जाणार आहे. पंधरा मिनिटे आधी वर्गात विद्यार्थ्यांसमोर प्रश्नपत्रिकांचे सीलबंद पाकिट फोडले जाणार आहे. तेथे दोन विद्यार्थ्यांची स्वाक्षरीही घेतली जाणार आहे. त्यानंतर विद्यार्थ्यांना प्रश्नपत्रिकांचे वाटप होईल. 

- हॉल तिकीटची विशेष काळजी घ्यावी. जर ते हरवले तर मुख्याध्यापकांशी संपर्क साधून मंडळाकडून हॉल तिकिटची दुसरी प्रत मिळवता येईल. मात्र विद्यार्थ्यांनी ती वेळ येऊ देऊ नये. 

- परीक्षा केंद्रावर केवळ हॉल तिकीट न्यावे. आधार कार्ड किंवा अन्य कोत्याही कागदपत्राची आवश्यकत नसते. 

 मुंबई विभागाची हेल्पलाइन 

०२२ - २७८८१०७५ 

०२२ - २७८९३७५६ 

--------------------------------------------------------------------------------------------------------------------------------------------------------

हार्दिक शुभेच्छा! 
       फेब्रु/मार्च 2018 दहावी/बारावी परीक्षेसाठी प्रविष्ठ होणाऱ्या सर्व विद्यार्थी-विद्यार्थीनीना  हार्दिक हार्दिक शुभेच्छा!
  परीक्षा कालावधीत मुलांनी घ्यावयाची खबरदारी
      परीक्षेचेच्या अगोदरच्या दिवशी.....
  1) पूर्ण प्रकरण न वाचता नोट्सची उजळणी करा.
 2) नवीन काही वाचू नका.
 3) संकेत शब्द,सूक्ष्म टिपणे,आकृत्या,नकाशे,तक्ते यांचे धावते निरीक्षण करा.
 4) झोप पूर्ण व सलग घ्या.जागरण टाळा.
 5) पहाटे पासूनच शांत व उत्साही वातावरणात अभ्यासाला सुरुवात करा.
 6) परीक्षेला लागणाऱ्या आवश्यक साहित्याची जमवाजमव करा.सर्व साहित्य एकाच ठिकाणी ठेवा.
 7) कपड्यांना इस्त्री व बुटाला पाँलीस करुन ठे
       परीक्षेला निघताना....
  8) परीक्षेला निघताना आवश्यक सर्व साहित्य सोबत घ्या. ओळखपत्र,हाँल तिकीट,पेन(किमान तीन),पेन्सिल,शार्पनर,स्केल,लाँगरिथम,कंपासबाँक्स,खोडरबर,पँड, पाण्याची बाटली,रुमाल,घड्याळ,गरजेनुसार रुपये सोबत ठेवावेत.
 9) हलका आहार घ्यावा.(साधी पोळी,भाजी,वरणभात). पोटभर न खाता थोडी भूक शिल्लक ठेवा.
 10) रस्त्यातील वाहतूक,ट्रँफिक जँमचा विचार करुन योग्य वेळेत निघा.
 11) सायकलने प्रवास करत असाल तर रुमाल/टोपी वापरा.मोटर सायकलने जात असाल तर हेल्मेट अवश्य घाला.
 12) परीक्षेच्या अर्धा तास सेंटरवर पोहचा.
          परीक्षा हाँलमध्ये
13) परीक्षा हाँल मध्ये प्रश्नपत्रिका हातात पडेपर्यंतचा संपूर्ण  काळ मानसिक दृष्ट्या महत्त्वाचा असतो हे लक्षात ठेवा.यासाठी.....
 14) मन स्थिर ठेवा.जो अभ्यास आपण केलेला आहे,तेवढे आपण निश्चितपणे लिहू शकतो यावर विश्वास ठेवा.
 15) मागे काय झाले,पुढे काय होईल याची चिंता न करता शांत बसा.कोणतीच प्रश्नोत्तरे आठवण्याचा प्रयत्न करु नका.
     परीक्षा देताना.....
 16) खूप सोपे प्रश्न असतील तर खूप घाई करु नका.त्यामुळे Skill Mistakes होतात.हे लक्षात ठेवा.
 17) अवघड प्रश्न असेल तरी घाबरू नका.त्याला सामोरे जा.तुम्हाला ते अवघड वाटत असतील तर ते ईतरानाही अवघड असतात.त्यातल्या त्यात जो धिराने त्या प्रश्नाला सामोरे जातो,उतर लिहण्याचा प्रयत्न करतो तो अधिक गुण मिळवतो.जो त्याचा ताण घेतो तो अधिक चूका करतो.
 18) कसाही प्रश्न असेल तरी मी माझे सर्वोत्तम प्रयत्न करीन.शेवटच्या आत्मविश्वासाने मी पेपर लिहीन असा निर्धार सातत्याने करा.
 19)चुकूनही काँपी करु नका, कोणी आग्रह करत असेल तरीही करु नका.इतर विद्यार्थी काँपी करतात तेव्हा  आपल्याला वाटते,की ते आपल्या पुढे जातील; पण अशा मुलांचा पाया कच्चा असल्याने ते भविष्यात मागे पडतात.त्यामुळे तुम्ही प्रामाणिक प्रयत्नांनी पुढे जा.
   उत्तरप्रत्रिका सोडविताना.....
 20) सुवाच्च अक्षरात आपला परीक्षा क्रमांक ,दिनांक,केंद्र अशी सर्व माहिती अचूक भरा.
 21) बारकोड चिकटवण्यापूर्वी आपलाच असल्याची खात्री करा.
 22) उत्तरप्रत्रिके मध्ये दिलेल्या सूचना काळजीपूर्वक वाचा.
 23) प्रश्नपत्रिका काळजीपूर्वक वाचा.
 25) निळ्या किंवा काळ्या शाईच्याच पेनचा करा.
 26)सोपे प्रश्न लक्षात घ्या.प्रश्नांची निवड महत्त्वाची असते.
27) विचारले तेच व तेवढेच लिहा.पेपर दिलेल्या वेळेत पूर्ण होतो .
28) प्रश्नांचा क्रमांक अथवा उपप्रश्न क्रमांक ठळक अक्षरात ठेवा.
29) उत्तराचा आराखडा मनात तयार करा.
30) हिंमत ...हौसला बुलंद ठेवा.
31) उत्तरप्रत्रिकेवर कोठेही डाग पाडू नका.परीक्षकांसाठी सूचना लिहू नका.
        पेपर झाल्यावर...
 32) पेपर नंतर उतरांबाबत मित्रांसोबत र्चचा टाळा.
 33) किती गुण मिळतील यांची बेरीज करीत बसू नका.
 34) काही उत्तरे चुकली असल्यास त्यांचा विचार न करता जे बरोबर लिहले आहे,त्यावर समाधानी राहण्याचा प्रयत्न करावा.
 35) झालेल्या पेपरची चिंता न करता  पुढच्या पेपरची तयारी सुरू करा.
     

 पालक व शिक्षकांनी हे जरुर करा.....
    झालेल्या पेपर वरील चर्चा मुला बरोबर  करु नका.
    मुलांच्या अडचणी समजून घेऊन त्याच्याशी संवाद साधून त्या सोडविण्यासाठी मदत करा
    अभ्यासाला पोषक वातावरण राहील याचा प्रयत्न करा.
   मुलांच्या प्रगतीबद्द्ल व त्यांच्यातील बद्द्लाबद्द्ल प्रोत्साहन द्या.
    मुलांना विचार करता येतो,त्यांना त्यांची मतं असतात याचं भान ठेवा.
   मुलांच्या चांगुलपणावर मनपूर्वक विश्वास ठेवा.
   पुन्हा-पुन्हा अभ्यासाबाबत त्यांना  विचारु नका..
   इतरांशी मुलाची तुलना करु नका.

--------------------------------------------------------------------------------------------------------------------------------------------------------

Click here Details of All  : Entrance Exams 2018

--------------------------------------------------------------------------------------------------------------------------------------------------------
 Get free Educational & jobs alert on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org. Now send WHATSAPP message  (Your Name, City & Interest)
--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर किंवा* *टेलेग्राम (https://t.me/VidyarthiMitra) हा मोबाईल नं. सेव्ह करून आपले <नाव> <शहराचे नाव> <नोकरी> ७७२०० २५९०० मेसेज पाठवा

-----------------------------------------------------------------------------------------------------------------------------------------------------